ଅନୁଗୋଳ: ପ୍ରଧାନମନ୍ତ୍ରୀ ଆବାସ ଯୋଜନା ହଡପ ନେଇ ଥାନାରେ ଅଭିଯୋଗ । ଅନୁଗୋଳ ଜିଲ୍ଲାର ସମସ୍ତ ଥାନାରେ ମୁଖ୍ୟମନ୍ତ୍ରୀଙ୍କ ବିରୋଧରେ ଏଫଆଇଆର ଦେଇଛି ଭାରତୀୟ ଜନତା ପାର୍ଟି । ପ୍ରଧାନମନ୍ତ୍ରୀ ଆବାସ ଯୋଜନାକୁ ହଡପ ଓ ଚଞ୍ଚକତା କରୁଥିବା ଅଭିଯୋଗରେ ବିଜେପି ପକ୍ଷରୁ ଏହି ଏଫଆଇଆର ଦିଆଯାଇଛି ।
ପ୍ରଧାନମନ୍ତ୍ରୀ ଆବାସ ଯୋଜନା ଦୁର୍ନୀତି: ମୁଖ୍ୟମନ୍ତ୍ରୀଙ୍କ ନାଁରେ ଏତଲା ଦେଲା ବିଜେପି
ଏହି ଦୁର୍ନୀତିକୁ ନେଇ ବିଜେପି ନେତା ପ୍ରତାପ ପ୍ରଧାନଙ୍କ ନେତୃତ୍ବରେ ଏକ ପ୍ରତିନିଧି ମଣ୍ଡଳୀ ଅନୁଗୋଳ ଥାନା ସମ୍ମୁଖରେ ପ୍ରତିବାଦ କରିବା ସହ ରାଜ୍ୟ ସରକାର କେନ୍ଦ୍ରୀୟ ଯୋଜନାକୁ ହଡପ କରି ନିଜ ନାଁରେ କରୁଥିବା ଅଭିଯୋଗ କରିଛନ୍ତି । ପ୍ରଧାନମନ୍ତ୍ରୀ ଆବାସ ଯୋଜନାକୁ ସରକାର ନାଁ ବଦଳାଇ ବିଜୁ ପକ୍କା ଘର ନାଁରେ ହିତାଧିକାରୀଙ୍କୁ ଦେଇ ବାଃ ବାଃ ସାଉଁଟୁଛନ୍ତି । ଯାହାକୁ ଦଳ ବିରୋଧ କରିଛି । ଏହାସହ ବିଜେପି ପକ୍ଷରୁ ହଡପକାରୀଙ୍କ ଗିରଫ ନେଇ ଦାବି କରାଯିବା ସହ ଥାନା ସମ୍ମୁଖରେ ନାରାବାଜି କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
