ଅନୁଗୋଳ: ତାଲା ବନ୍ଦ ବେଳେ ବେଆଇନ ମଦ ବେପାର । ପୋଲିସ କବଳରେ ଧରା ପଡିଛି ମଦ ବେପାରୀ । ଘଟଣା ଘଟିଛି ଅନୁଗୋଳ ଜିଲ୍ଲାରେ ।
ଜିଲ୍ଲା ବଅଁରପାଳ ଥାନା ନୂଆଁହତା ଗାଁ ରେ ଥିବା ପୁରୁଣା କାଉଣ୍ଟର ନିକଟରୁ ୮୫ ପେଟି ବିଦେଶୀ ମଦ ଜବତ କରିଛି ବଅଁରପାଳ ପୋଲିସ । ଯାହାର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ । ଯାହାର ପରିମାଣ ୭୪୦ଲିଟର ହେବ ବୋଲି ଜଣାପଡିଛି ।
ଲକ୍ଷାଧିକ ଟଙ୍କାର ମଦ ଜବତ
କୌଣସି ସୂତ୍ରରୁ ଖବର ପାଇ ଥାନା ପୋଲିସ ସଦଳ ବଳେ ନୂଆଁହତା ଗାଁରେ ଅତର୍କିତ ଚଢ଼ାଉ କରି ନୂଆଁହତା ଗାଁର ନିର୍ମଳ ସାହୁଙ୍କ ପୁଅ ଗଣେଶ ସାହୁକୁ ଗିରଫ କରିଛି ପୋଲିସ ।
ସୂଚନା ଥାଉକି, ବଅଁରପାଳ ଅଞ୍ଚଳରେ କ୍ରମାଗତ ଭାବରେ ବିଦେଶୀ ମଦ ତଥା ଦେଶୀ ମଦ ବିପୁଳ ପରିମାଣରେ ବେଆଇନ ଭାବରେ ବିକ୍ରି ହେଉଅଛି । ଏତେ ପରିମାଣର ମଦ କେବେ ପୁର୍ବରୁ ଜବତ ହୋଇନଥିଲା । ଏକକାଳୀନ ୭୪୦ ଲିଟର ମଦ ଜବତ ହେବା ବଅଁରପାଳ ଥାନାରେ ପ୍ରଥମ ଘଟଣା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
