ଅନୁଗୋଳ: ହୋଲି ଭଳି ପବିତ୍ର ଦିନରେ ମାଡିଗଲା କଳା ଛାୟା । ଗୋଟିଏ ଦିନରେ 37ଟି ସ୍ଥାନରେ ଦୁର୍ଘଟଣା ଘଟି 2 ଜଣଙ୍କ ମୃତ୍ୟୁ ଘଟିଥିବାବେଳେ ୫୦ ଜଣ ଆହତ ହୋଇଛନ୍ତି ।
ସେମାନଙ୍କ ମଧ୍ୟରୁ 7 ଜଣଙ୍କୁ କଟକ ସ୍ଥାନାନ୍ତରିତ କରାଯାଇଛି । ଜିଲ୍ଲା ମୁଖ୍ୟ ଚିକିତ୍ସାଳୟ ପକ୍ଷରୁ ପ୍ରାପ୍ତ ସୂଚନା ଅନୁସାରେ ଆହୁରି ଅଧିକ ଦୁର୍ଘଟଣା ଘଟିଛି । ତେବେ ଯେଉଁମାନେ ଗୁରୁତର ଭାବେ ଆହତ ହୋଇଛନ୍ତି, ସେମାନେ ମୁଖ୍ୟ ଚିକିତ୍ସାଳୟକୁ ଆସିଛନ୍ତି । ଅନ୍ୟମାନେ ଜିଲ୍ଲାର ଅନ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତକମାନଙ୍କ ମଧ୍ୟରୁ ଜଣଙ୍କର ପରିଚୟ ମିଳିଥିବାବେଳେ ଅନ୍ୟ ଜଣଙ୍କର ପରିଚୟ ମିଳି ନାହିଁ । ତେବେ ଅଧିକାଂଶ ଦୁର୍ଘଟଣା ମଟର ସାଇକେଲ ଓ ମଟର ସାଇକେଲ ମଧ୍ୟରେ ହୋଇଥିବା ଜଣାପଡିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
