ଅନୁଗୋଳ: ଏନଟିପିସି ପାଉଁଶ ପୋଖରୀରୁ ମିଳିଛି ଯୁବକର କ୍ଷତବିକ୍ଷତ ମୃତଦେହ । ଅନୁଗୋଳ ଜିଲ୍ଲା କଣିହାଁ ଠାରେ ଥିବା ଏନଟିପିସିର ପାଉଁଶ ପୋଖରୀରୁ ମିଳିଛି ଏହି ମୃତଦେହ । ପାଉଁଶ ପୋଖରୀରେ କାମ ଚାଲିଥିବା ବେଳେ ମାଟିତଳୁ ଏହି ମୃତଦେହ ଉଦ୍ଧାର ହୋଇଥିଲା । ମୃତକଙ୍କ ନାମ ରୁଲୁ ସାହୁ ହୋଇଥିବା ବେଳେ ତାଙ୍କ ଘର ପାଖ କାକୁଡ଼ିଆ ଗାଁ ବୋଲି ଜଣାପଡିଛି। ସେ ପାଉଁଶ ପୋଖରୀ କାମରେ ସୁପରଭାଇଜର ଭାବେ କାମ କରୁଥିଲେ ବୋଲି ସୂଚନା ମିଳିଛି ।
ଏନଟିପିସି ପାଉଁଶ ପୋଖରୀରୁ ମିଳିଲା ଯୁବକର ମୃତ ଦେହ
ଖବର ପାଇ କଣିହାଁ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହ ଉଦ୍ଧାର କରିଛି । ତେବେ ଏହା ହତ୍ୟା ନା ଦୁର୍ଘଟଣା ଜଣା ପଡି ନଥିବା ବେଳେ ତଦନ୍ତ ପରେ ପ୍ରକୃତ ଘଟଣା ଜଣା ପଡିବ ବୋଲି ପୋଲିସ କହିଛି । ଅନ୍ୟପଟେ ଘଟଣାକୁ ନେଇ ବର୍ତ୍ତମାନ ସୁଦ୍ଧା ଉତ୍ତେଜନା ଲାଗି ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
