ଅନୁଗୋଳ: ପୋଖରୀରେ ବୁଡି ନାବାଳକ ମୃତ। ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ଅଞ୍ଚଳରେ ଘଟିଛି ଏହି ଅଘଟଣ। ମୃତ ବାଳକ ଜଣକ ଛେଣ୍ଡିପଦା ଥାନା ଖମାର ଗ୍ରାମର ପ୍ରକାଶ ମହାପାତ୍ରଙ୍କ ପୁଅ ସତ୍ୟ ମହାପାତ୍ର।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ମୁତାବକ,ସତ୍ୟ ଆଜି ସକାଳୁ ତା ମା ସହ ପୋଖରୀରେ ଗାଧୋଇବାକୁ ଯାଇଥିଲା। ଏହି ସମୟରେ ସେ ହଠାତ ପାଣିରେ ବୁଡି ଯାଇଥିଲେ। ସତ୍ୟର ମା ଚିତ୍କାର କରିବାରୁ ସ୍ଥାନୀୟ ଲୋକେ ଘଟଣାସ୍ଥଳକୁ ପହଞ୍ଚି ବାଳକଟିକୁ ପାଣିରୁ ଉଦ୍ଧାର କରିଥିଲେ। ଗୁରୁତର ଅବସ୍ଥାରେ ତାକୁ ଛେଣ୍ତପଦା ମେଡିକାଲରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ସେଠାରେ ତାକୁ ମୃତ ଘୋଷଣା କରିଥିଲେ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
