ଅନୁଗୋଳ: ଜଙ୍ଗଲ ଛାଡି ଜନବସତି ମୁହାଁ ହାତୀପଲ । ଅନୁଗୋଳ ଜିଲ୍ଲା ମହିଧରପୁର ଗାଁରେ ବଢିବାରେ ଲାଗିଛି ହାତୀପଲଙ୍କ ଉତ୍ପାତ । ପ୍ରାୟ 15ରୁ ଅଧିକ ହାତୀ ଗାଁରେ ପଶି ବ୍ୟାପକ କ୍ଷୟକ୍ଷତି କରିଛନ୍ତି। ଢେଙ୍କାନାଳର ହିନ୍ଦୋଳ ଜଙ୍ଗଲରୁ ଏହି ହାତୀ ପଲ ପସି ଆସିଥିବା ଅଭିଯୋଗ କରିଛନ୍ତି ଗ୍ରାମବାସୀ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ପ୍ରାୟ 20 ଏକରରୁ ଅଧିକ ଜମିର ଫସଲ ନଷ୍ଟ କରିଥିବା ଗ୍ରାମବାସୀ ଅଭିଯୋଗ କରିଛନ୍ତି। ଧାନ, ମୁଗ, ବିରି ଓ ଅନ୍ୟାନ୍ୟ ଫସଲ ସବୁ ହାତୀପଲ ଦଳି ଚକଟି ନଷ୍ଟ କରିଦେଇଛନ୍ତି ।
ଖବରପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ବାଣ ଫୁଟାଇ ହାତୀ ପଲକୁ ଘଉଡ଼ାଇ ଥିଲେ। ନିକଟସ୍ଥ ଜଙ୍ଗଲରେ ହାତୀପଲ ଥିବାରୁ ଗ୍ରାମବାସୀ ଭୟଭୀତ ଅବସ୍ଥାରେ ରହିଛନ୍ତି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
