ଅନୁଗୋଳ: ଜିଲ୍ଲାରେ କୋରୋନା ସ୍ଥିତି ଦିନକୁ ଦିନ ବଢିବାରେ ଲାଗିଛି । ଜିଲ୍ଲାରେ ମଙ୍ଗଳବାର ଗୋଟିଏ ଦିନରେ 55 ପଜିଟିଭ ଚିହ୍ନଟ ହୋଇଛନ୍ତି । ଯାହାକୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା 899 ରେ ପହଁଚିଛି । ଏନେଇ ଜିଲ୍ଲା ପ୍ରାଶାସନ ପକ୍ଷରୁ ଜାରି ଏକ ପ୍ରେସ ବିବୃତିରେ ସୂଚନା ଦିଆଯାଇଛି । ମଙ୍ଗଳବାର ଆକ୍ରାନ୍ତଙ୍କ ମଧ୍ୟରୁ ଜିଲ୍ଲାର ବଅଁରପାଳ ବ୍ଲକରୁ ସର୍ବାଧିକ 17 ଜଣ ଚିହ୍ନଟ ହୋଇଛନ୍ତି ।
ସେହିପରି ତାଳଚେର ପୌରାଞ୍ଚଳ ଓ ଛେଣ୍ଡିପଦା ବ୍ଲକ ଅଞ୍ଚଳରୁ 12 ଲେଖାଏଁ କୋରୋନା ଆକ୍ରାନ୍ତ ହୋଇଛନ୍ତି । ଏତତ ବ୍ୟତୀତ ତାଳଚେର ବ୍ଲକରୁ 8 ଓ କଣିହାଁ ବ୍ଲକରୁ ଦୁଇ, ଅନୁଗୋଳ ପୌରପାଳିକାରୁ ଦୁଇଜଣ ପଜିଟିଭ ଥିବା ଜଣାପଡିଛି । ଏମାନଙ୍କ ମଧ୍ୟରୁ ସାମାନ୍ୟ ଲକ୍ଷ୍ୟଣ ମାନକୁ ହୋମ ଆସୋଲେସନ ଓ ଅନ୍ୟମାନଙ୍କୁ ତାଳଚେର କୋଭିଡ ହସ୍ପିଟାଲକୁ ପଠାଯାଇଛି । ସେପଟେ ଜିଲାରେ ଆଜି ସୁଧା 482ସୁସ୍ଥ ହୋଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
