ଅନୁଗୋଳ: ଜିଲ୍ଲାରେ ବଢି ଚାଲିଥିବା କୋରୋନା ସଂକ୍ରମଣ ରୋକିବାକୁ ଜୋନ-୨ରେ ଅନୁଗୋଳ ଜିଲାକୁ ମଧ୍ୟ ସଟଡାଉନ ପାଇଁ ଘୋଷଣା କରାଯାଇଛି । ଜିଲ୍ଲାରେ ଲାଗୁ ହୋଇଥିବା 48 ଘଣ୍ଟିଆ ସଟଡାଉନ ପ୍ରଭାବ ରବିବାର ମଧ୍ୟ ଦେଖିବାକୁ ମିଳିଛି । ଦୋକାନ ବଜାର ବନ୍ଦ ରହିଛି । କେବଳ ଔଷଧ ଦୋକାନକୁ ଛାଡି ସବୁ କିଛି ବନ୍ଦ ରହିଛି । ଅତି ଆବଶ୍ୟକ ନଥଲେ ଲୋକେ ବହାରକୁ ବାହାରୁ ନାହାନ୍ତି ।
ଅନୁଗୋଳରେ ୧୦୦ ପାର କୋରୋନା ସଂକ୍ରମଣ, ସପ୍ତାହର ଶେଷ 2 ଦିନ ସଟଡାଉନ
ଗତ 2 ଦିନ ମଧ୍ୟରେ ଜିଲ୍ଲାରେ 34 ପଜିଟିଭ ଚିହ୍ନଟ ପରେ ଏହା ପ୍ରାଶାସନ ଚିନ୍ତା ବଢ଼ିଛି । ବିଶେଷ କରି ଶନିବାର ଜିଲ୍ଲାର ଏକ ଶିଳ୍ପାଞ୍ଚଳରେ ପୁଣି 6 ଜଣ ପଜିଟିଭ ଚିହ୍ନଟ ହୋଇଛନ୍ତି । ଯାହା ଉଭୟ ଶିଳ୍ପାଞ୍ଚଳ ଓ ପ୍ରଶାସନ ପାଇଁ ଚିନ୍ତାର କାରଣ ପଲଟିଛି ।
ଏହି ସଟଡାଉନ ସମୟରେ ବିଭିନ୍ନ ସ୍ଥାନରେ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ରହିଛି । ଜିଲ୍ଲାରେ ବର୍ତ୍ତମାନ ସୁଦ୍ଧା ଆକ୍ରାନ୍ତ ସଂଖ୍ୟା 106ରେ ପହଞ୍ଚିଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
