ଅନୁଗୋଳ: ଅନୁଗୋଳ-ସମ୍ବଲପୁର ରେଳଧାରଣାରେ କଟି 2 ଜଣଙ୍କର ମୃତ୍ୟୁ । ଜଣେ ପୁରୁଷ ଓ ଜଣେ ମହିଳାଙ୍କ ଖଣ୍ଡବିଖଣ୍ଡିତ ମୃତଦେହକୁ ଉଦ୍ଧାର କରାଯାଇଛି । ଅନୁଗୋଳ ଥାନା କୁମଣ୍ଡ ଗାଁ ପାଖ ଦେଇ ଯାଇଥିବା ରେଳ ଧାରଣାରୁ ମୃତଦେହ ପଡିଥିବା ନେଇ ପ୍ରଥମେ ସ୍ଥାନୀୟ ବାସିନ୍ଦା ସୂଚନା ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସେପଟେ, ମୃତକଙ୍କ ପରିଚୟ ମିଳିନଥିବାବେଳେ ରେଳଧାରଣା କଡରୁ ଗୋଟିଏ ମଟର ସାଇକେଲ ଦେଖିବାକୁ ମିଳିଛି । ଯାହାକୁ ନେଇ ଏହା ଏକ ଆତ୍ମହତ୍ୟା ବୋଲି ସନ୍ଦେହ କରାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ନଥିବାରୁ ଘଟଣାର କାରଣ ସ୍ପଷ୍ଟ ହୋଇନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
