ଅନୁଗୋଳ: ଛେଳିଚରାକୁ ନେଇ ଗଣ୍ଡଗୋଳ ଓ ତୀରମାଡ । ତୀର ମାଡରେ ଜଣେ ଗୁରୁତର । ଘଟଣା ଘଟିଛି ଅନୁଗୋଳ ଜିଲ୍ଲା ପାଲଲହାଡ଼ା ଥାନା କଦଳିବାରି ଗାଁରେ ।
ଭିଡିଓ ସୌଜନ୍ୟ : ସମ୍ବାଦଦାତା,ଅନୁଗୋଳ
ଛେଳିଚରାକୁ କେନ୍ଦ୍ର କରି ଦୁଇ ଜଣଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଫଳରେ ମୋହରା ବଦ୍ରା ନାମକ ଜଣେ ବ୍ୟକ୍ତିର ତୀର ମାଡରେ ଚନ୍ଦ୍ରମଣି ଗୁବେ ଗୁରୁତର ଆହତ ହୋଇଛନ୍ତି ।
ତାଙ୍କ ଡାହାଣ ହାତରେ ତୀର ପଶି ରହିଛି । ତାଙ୍କୁ ତୁରନ୍ତ ପାଲଲହାଡ଼ା ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ମକଦ୍ଦମା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଅଭିଯୁକ୍ତ ମୋହରା ବଦ୍ରା ଫେରାର ହୋଇ ଯାଇଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
