ଟୋକିଓ: ଭାରତୀୟ ଟେବୁଲ ଟେନିସ ଖେଳାଳି ଜି ସାଥିୟାନ ରବିବାର ଟୋକିଓ ଅଲମ୍ପିକ ଅଭିଯାନ ଆରମ୍ଭ କରିଛନ୍ତି । ପୁରୁଷ ଏକକ ଇଭେଣ୍ଟର ପ୍ରଥମ ମୁକାବିଲା ସେ ହଂକଂ ଖେଳାଳି ସୁ ହାଂଗ ଲାମଙ୍କ ବିପକ୍ଷରେ ଖେଳିଛନ୍ତି ।
ପ୍ରଥମ ସେଟ୍କୁ ସାଥିୟାନ ୭-୧୧ରେ ହାରିବା ପରେ ଲଗାତାର ଦ୍ବିତୀୟ, ତୃତୀୟ ଓ ଚତୁର୍ଥ ସେଟ୍ରେ ଦମଦାର କମବ୍ୟାକ ସହ ବିଜୟ ହାସଲ କରିଥିଲେ । ଯାହାଫଳରେ ତାଙ୍କର ସ୍କୋର ୧୧-୭, ୧୧-୪ ଓ ୧୧-୫ ହୋଇଥିଲା ।
ଏହାପରେ ବାସ୍ ଗୋଟିଏ ସେଟ୍ରେ ବିଜୟ ସହ ଦେଶକୁ ମେଡାଲ ଆଶା ଦେଇଥାନ୍ତେ ସାଥିୟାନ । ମାତ୍ର ପରବର୍ତ୍ତୀ ୩ଟି ସେଟ୍ରେ ୯-୧୧, ୧୦-୧୨ ଓ ୬-୧୧ରେ ପରାସ୍ତ ହୋଇଥିଲେ ।
ଶେଷ ତିନୋଟି ସେଟ୍ରେ କଡା ଟକ୍କର ହୋଇଥିଲା ଓ ସଂଘର୍ଷପୂର୍ଣ୍ଣ ହୋଇଥିଲା । ମାତ୍ର ଗୁରୁତ୍ବପୂର୍ଣ୍ଣ ସୁଯୋଗକୁ ହାତଛଡା କରିଦେଇଥିଲେ ସାଥିୟାନ । ଫଳରେ ହଂକଂ ଖେଳାଳି ସ୍ଥିର ବିଜୟ ପ୍ରଦର୍ଶନ ସହ ମ୍ୟାଚ ଜିତିନେଇଥିଲେ ।
ଫଳରେ ସାଥୀୟାନଙ୍କ ଅଲମ୍ପିକ ଯାତ୍ରା ଶେଷ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
