ଟୋକିଓ: ଚଳିତ ଟୋକିଓ ଅଲମ୍ପିକ୍ରେ ଭାରତୀୟ ପ୍ୟାଡଲର୍ ମନିକା ବାତ୍ରାଙ୍କ ଦମଦାର ପ୍ରଦର୍ଶନ । ମହିଳା ଟେବୁଲ ଟେନିସ ଏକକ ବର୍ଗର ତୃତୀୟ ରାଉଣ୍ଡରେ ମନିକା ବାତ୍ରା । ଦ୍ବିତୀୟ ରାଉଣ୍ଡ ମୁକାବିଲାରେ ଉକ୍ରେନର ମାର୍ଗାର୍ତା ପେସୋଟସ୍କାଙ୍କୁ ହରାଇଲେ ମନିକା ।
ପ୍ରଥମ ଦୁଇଟି ସେଟ୍କୁ ୧୧-୪ ୧୧-୪ ରେ ଏକପାଖିଆ ଜିତିନେଇଥିଲେ ୟୁକ୍ରେନ ଖେଳାଳି । ତେବେ ରୋମାଞ୍ଚକର ଭାବେ ମନିକା ତୃତୀୟ ସେଟ୍ରେ ଦମଦାର କମବ୍ୟାକ କରିଥିଲେ ଓ ୧୧-୭ରେ ବିଜୟୀ ହୋଇଥିଲେ । ପରେ ଚତୁର୍ଥ ସେଟ୍ ଅଧିକ ସଂଘର୍ଷପୂର୍ଣ୍ଣ ହୋଇଥିଲା । ମନିକା କଡା ଟକ୍କର ଦେଇଥିଲେ । ଶେଷ ପର୍ଯ୍ୟନ୍ତ ମ୍ୟାଚ୍ରେ ରୋମାଞ୍ଚ ଭରି ରହିଥିଲା । ଶେଷରେ ୧୨-୧୦ରେ ମନିକା ବାଜିମାରିବା ସହ ପ୍ରତିନ୍ଦ୍ବନ୍ଦ୍ବୀତା ୨-୨ରେ ବରାବର କରିଥିଲେ ।
ତେବେ ପରବର୍ତ୍ତୀ ସେଟ୍ ଅର୍ଥାତ ପଞ୍ଚମ ସେଟ୍ରେ ବିଶ୍ବ ମାନ୍ୟତାର ୬୧ତମ ସ୍ଥାନରେ ଥିବା ଭାରତୀୟ ଟେବୁଲ ଟେନିସ କୁଇନ ୮-୧୧ ପଏଣ୍ଟ ସହ ପରାସ୍ତ ହୋଇଥିଲେ । ତେବେ ପୁନର୍ବାର କମବ୍ୟାକ କରିଥିଲେ ମନିକା । ଷଷ୍ଠ ସେଟ୍କୁ ୧୧-୭ରେ ଜିତିଥିଲେ ।
ସ୍କୋର ପୁଣି ବରାବର ହୋଇଥିଲା । ମାତ୍ର ନିର୍ଣ୍ଣାୟକ ସେଟ୍ରେ ୧୧-୭ରେ ଜିତିବା ସହ ପଦକ ରାଉଣ୍ଡକୁ ଉନ୍ନୀତ ହୋଇଥିଲେ ମନିକା । ଫଳରେ ସେ ପଦକ ବିଜୟ ଠାରୁ ମାତ୍ର ଗୋଟିଏ ବିଜୟ ଦୂରରେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
