ଅମୃତସର: ଗୋଟିଏ ଗୋଲ୍ ଆଉ ସେମିଫାଇନାଲରେ ପହଞ୍ଚିଲା ଭାରତୀୟ ମହିଳା ହକି ଟିମ୍ । ଅଷ୍ଟ୍ରେଲିଆକୁ ୧-୦ ଗୋଲରେ କଲା ପରାସ୍ତ । ଆଉ ସୋମବାର ସେହି ବିଜୟୀ ଗୋଲ କରିଥିଲେ ପଞ୍ଜାବ ଅଜନାଲା ଗାଁ ମ୍ୟାଦିୟାର ଝିଅ ଗୁରଜିତ କୌର ।
ଭାରତକୁ ବିଜୟ ପଥରେ ଆଗେଇ ନେଇଥିବା ଗୁରଜିତ କୌରଙ୍କ ପରିବାର ସହ ସାକ୍ଷାତକାର
ତେବେ ଗୁରଜିତଙ୍କ ଏହି ଗୋଲ୍ ଆଉ ଭାରତୀୟ ମହିଳା ହକି ଟିମ୍ର ବିଜୟରେ ଗୁରଜିତଙ୍କ ଘରେ ଖେଳି ଯାଇଛି ଖୁସିର ଲହରୀ । ତାଙ୍କ ପରିବାର ଓ ସମ୍ପର୍କୀୟ ବାଣ୍ଟିଛନ୍ତି ମିଠା । ଗ୍ରାମବାସୀ କହିଛନ୍ତି ଯେ, ‘‘ଆମେ ଆଶା କରୁଛୁ ଯେ ଭାରତୀୟ ମହିଳା ହକି ଟିମ୍ ନିଶ୍ଚୟ ସ୍ବର୍ଣ୍ଣ ପଦକ ଜିତିବି ।’’
ଗୁରଜିତ ଭାରତୀୟ ମହିଳା ହକିଟିମରେ ପଞ୍ଜାବରୁ ଖେଳୁଥିବା ଏକମାତ୍ର ଖେଳାଳି, ଯାହା କାରଣରୁ ତାଙ୍କ ପରିବାର ଏବଂ ସମ୍ପର୍କୀୟ ବେଶ୍ ଖୁସି । ତାଙ୍କ ମା ଓ କାକା କହିଛନ୍ତି ଯେ ଗୁରଜିତ କେବଳ ପଞ୍ଜାବର ନୁହେଁ, ସାରା ଦେଶର ନାଁ ରଖିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
