ନୂଆଦିଲ୍ଲୀ: ଭାରତୀୟ ଟେନିସ ତାରକା ସାନିଆ ମୀର୍ଜା, ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁରେ ଗଭୀର ମର୍ମାହତ ହୋଇଛନ୍ତି । ଦିବଗଂତ ଅଭିନେତା ସୁଶାନ୍ତ ସାନିଆଙ୍କ ଜଣେ ଭଲ ବନ୍ଧୁ ଥିଲେ । ଏକଦା ସାନିଆଙ୍କ ସହ ଏକାଠି ଟେନିସ ଖେଳିବାକୁ ମଧ୍ୟ ପ୍ରତିଶ୍ରୁତି ଦେଇଥିଲେ ।
34 ବର୍ଷୀୟ ସୁଶାନ୍ତ ରବିବାର ମୁମ୍ବାଇସ୍ଥିତ ବାଣ୍ଡ୍ରା ବାସଭବନରେ ରବିବାର ଆତ୍ମହତ୍ୟା କରିଥିବାର ଜଣାପଡିଥିଲା । ଅତିରିକ୍ତ କମିଶନର ମନୋଜ ଶର୍ମା ଏନେଇ ସ୍ପଷ୍ଟ କରିଥିଲେ । ତେବେ କୌଣସି ସୁଇସାଇଡ ନୋଟ୍ ସୁଶାନ୍ତଙ୍କ ରୁମରୁ ଉଦ୍ଧାରୁ ସମୟରେ ମିଳିନଥିଲା । ତେବେ ସୁଶାନ୍ତଙ୍କ ମୃତ୍ୟୁର କାରଣ ନେଇ ଅଧିକ ତଦନ୍ତ ଜାରି ରହିଛି ।
ସୁଶାନ୍ତଙ୍କ ମୃତ୍ୟୁରେ ଟ୍ବିଟ ଯୋଗେ ଦୁଃଖ ପ୍ରକାଶ କରିବା ସହ, ଆବେଗପୂର୍ଣ୍ଣ ବାର୍ତ୍ତା ଲେଖିଛନ୍ତି ସାନିଆ । "ଜୀବନରେ ପୂର୍ଣ୍ଣ ଖୁସି ଥିଲା, ସଫଳତା ଥିଲା, ଯେଉଁଠାରେ ପାଦ ପାଦପଡିଛି, ସେଠାରେ ଖୁସି ହିଁ ବାଣ୍ଟିଛ । ଏପରି ଚରମ ନିଷ୍ପତ୍ତି ନେବାର କାରଣ ଆମକୁ ଜଣାନାହିଁ । ସାରା ଦୁନିଆ ତୁମ ଅନୁପସ୍ଥିତିକୁ ଅନୁଭବ କରିବ, ବହୁତ କଷ୍ଟରେ ଏତିକି ଲେଖିଛି, ତୁମ ଆତ୍ମାର ସଦଗତି ହେଉ ବନ୍ଧୁ ।"
-
Sushant 💔 💔 you said we would play tennis together one day .. you were so full of life and laughs .. spreading smiles everywhere you went.. we didn’t even know you were hurting this bad 😞 the world will miss you .. shaking while I write this .. RIP my friend
— Sania Mirza (@MirzaSania) June 14, 2020 " class="align-text-top noRightClick twitterSection" data="
">Sushant 💔 💔 you said we would play tennis together one day .. you were so full of life and laughs .. spreading smiles everywhere you went.. we didn’t even know you were hurting this bad 😞 the world will miss you .. shaking while I write this .. RIP my friend
— Sania Mirza (@MirzaSania) June 14, 2020Sushant 💔 💔 you said we would play tennis together one day .. you were so full of life and laughs .. spreading smiles everywhere you went.. we didn’t even know you were hurting this bad 😞 the world will miss you .. shaking while I write this .. RIP my friend
— Sania Mirza (@MirzaSania) June 14, 2020
ଅନ୍ୟପଟେ କ୍ରୀଡାଜଗତର ଅନେକ ଖେଳାଳି ସୁଶାନ୍ତଙ୍କ ମୃତ୍ୟୁରେ ଶୋକ ବ୍ୟକ୍ତ କରିବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି । ସଚିନ ତେନ୍ଦୁଲକର, ଟିମ ଇଣ୍ଡିଆ କୋଚ ରବି ଶାସ୍ତ୍ରୀ, କ୍ୟାପଟେନ ବିରାଟ କୋହଲି, ପୂର୍ବତନ ଅଲରାଉଣ୍ଡର ଇରଫାନ ପଠାନ, ମହମ୍ମଦ କୈଫ, ବ୍ୟାଡମିଣ୍ଟନ ଷ୍ଟାର ସାଇନା ନେହୱାଲ ଆଦି ଏଭିଳ ଦୁଃଖଦ ଖବରରେ ଆଶ୍ଚର୍ଯ୍ୟ ହେବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ସୁଶାନ୍ତଙ୍କ ପ୍ରକୃତ ଘର ବିହାରରେ । ଏକତା କାପୁରଙ୍କ ଲୋକପ୍ରିୟ ଟିଭି ସିରିୟଲ 'ପବିତ୍ର ରିସ୍ତା' ରେ ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ସହ ଜୀବନ୍ତ ଅଭିନୟ କରି ଅନେକ ପ୍ରଶଂସା ସାଉଁଟିଥିଲେ ।
ଏହାପରେ ଅଭିଷେକ କାପୁରଙ୍କ 'କାଇ ପୋ ଚେ' ଫିଲ୍ମ ଜରିଆରେ ବଲିଉଡରେ ପାଦ ରଖିଥିଲେ । ଏହାପରେ ପୂର୍ବତନ ଭାରତୀୟ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କ ଜୀବନ କାହାଣୀ ଉପରେ ଆଧାରିତ ଫିଲ୍ମ 'ଏମ. ଏସ. ଧୋନି: ଦ ଅନଟୋଲ୍ଡ ଷ୍ଟୋରୀ', ପିକେ, କେଦାରନାଥ ଓ ଛିଛୋରେ ଭଳି ସୁପରହିଟ୍ ଫିଲ୍ମରେ ନିଖୁଣ ଅଭିନୟ କରି ସମସ୍ତଙ୍କ ମନ ଜିଣିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
