ଟୋକିଓ: ୱିମ୍ବଲଡନ ୨୦୨୧ ଚମ୍ପିଆନ ଆସଲେ ବାର୍ଟିଙ୍କୁ ବଡ ଝଟ୍କା । ରବିବାର ଖେଳାଯାଇଥିବା ଚଳିତ ଟୋକିଓ ଅଲମ୍ପିକ୍ର ମହିଳା ଏକକ ଇଭେଣ୍ଟରୁ ପରାଜୟ ସହ ବିଦାୟ ନେଇଛନ୍ତି ବିଦାୟ ନେଇଛନ୍ତି ବାର୍ଟି ।
ସ୍ପେନର ସାରା ସୋରିବସ ଟୋର୍ମୋ, ବାର୍ଟିଙ୍କୁ ୬-୪, ୬-୩ ସିଧାସଳଖ ସେଟ୍ରେ ହରାଇ ପରବର୍ତ୍ତୀ ରାଉଣ୍ଡରେ ପ୍ରବେଶ କରିଛନ୍ତି । ଏକ ଘଣ୍ଟା ୩୪ ମିନିଟ ଧରି ଏହି ମ୍ୟାଚ ଖେଳାଯାଇଥିବା ଏହି ମ୍ୟାଚରେ ୱିମ୍ବଲଡନ ବିଜୟିନୀ ପରାଜୟ ଏଡାଇ ପାରିନଥିଲେ।
ପ୍ରଥମ ସେଟ୍କୁ ୬-୪ ଅନ୍ତରରେ ପ୍ରଭାବୀ ପ୍ରଦର୍ଶନ ସହ ସ୍ପେନ ଖେଳାଳି ଜିତିନେଇଥିଲେ । ବାର୍ଟିଙ୍କ ପାଖରେ କୌଣସି ଜବାବ ନଥିଲା । ତେବେ ଦ୍ବିତୀୟ ସେଟ୍ରେ ବାର୍ଟି କଡା ଟକ୍କର ଦେବାନେଇ ଆଶା କରାଯାଉଥିଲା । ମାତ୍ର ଆକ୍ରମଣାତ୍ମକ ରଣନୀତି ଜାରି ରଖିବା ସହ ଦ୍ବିତୀୟ ସେଟ୍ରେ ମଧ୍ୟ ୬-୩ରେ ବାଜିମାତ କରିଥିଲେ ସୋରିବସ ।
ଫଳରେ ପ୍ରଥମ ରାଉଣ୍ଡରୁ ପରାସ୍ତ ହୋଇ ପ୍ରତିଯୋଗିତାରୁ ବାଦ୍ ପଡିଛନ୍ତି ବାର୍ଟି ।
ବ୍ୟୁରୋ ରିପୋର୍ଟ, ଇଟିଭି ଭାରତ
