ପ୍ୟାରିସ୍: ଫ୍ରେଞ୍ଚ ଓପନରେ ମ୍ୟାଚ ଫିକ୍ସିଂ ସନ୍ଦେହରେ ଗିରଫ ହୋଇଥିବା ରୁଷିଆନ ଟେନିସ ଖେଳାଳି ପୋଲିସ ହେପାଜତରୁ ମୁକ୍ତ ହୋଇଛନ୍ତି । ୟାନା ସିଜିକୋଭା ଫ୍ରେଞ୍ଚ ଓପନ ଡବଲ୍ସ ମ୍ୟାଚ ଖେଳିବା ପରେ ଗୁରୁବାର ପ୍ୟାରିସରେ ଗିରଫ ହୋଇଥିଲେ ।
26 ବର୍ଷୀୟା ସିଜିକୋଭା ଏହି ଅଭିଯୋଗକୁ ସେ ଖଣ୍ଡନ କରିଛନ୍ତି ଓ ତାଙ୍କର ଓକିଲଙ୍କ ସୂଚନା ଅନୁଯାୟୀ, ଖୁବଶୀଘ୍ର ମାନହାନୀ ମାମଲା କରିବାକୁ ଯାଉଛନ୍ତି ।
ଟେନିସ ମହିଳା ଡବଲ୍ସ ମାନ୍ୟତାର 101ତମ ସ୍ଥାନରେ ରହିଛନ୍ତି ସିଜିକୋଭା ଓ ସିଙ୍ଗଲ୍ସରେ 765ତମ ସ୍ଥାନରେ ରହିଛନ୍ତି । ଗୁରୁବାର ରୋଲାଣ୍ଡ ଗାରୋସ ଡବଲ୍ସ ଟୁର୍ଣ୍ଣାମେଣ୍ଟରେ ପ୍ରଥମ ରାଉଣ୍ଡ ମ୍ୟାଚରେ ପରାସ୍ତ ହେବାପରେ ଗିରଫ ହୋଇଥିଲେ ।
ଗତବର୍ଷ ଫ୍ରେଞ୍ଚ ଓପନ ମହାମାରୀ କୋରୋନା ଭାଇରସ ସଂକ୍ରମଣ ଭୟ କାରଣରୁ ବିଳମ୍ବରେ ଖେଳାଯାଇଥିଲା । ସେପ୍ଟେମ୍ବର ଶେଷ ଭାଗରେ ଖେଳାଯାଇଥିଲା ଫ୍ରେଞ୍ଚ ଓପନ।
ବ୍ୟୁରୋ ରିପୋର୍ଟ, ଇଟିଭି ଭାରତ
