ହାଇଦ୍ରାବାଦ: ହୋବାର୍ଟ ଇଣ୍ଟରନ୍ୟାସନାଲ ଫାଇନାଲରେ ପହଞ୍ଚିଛନ୍ତି ଭାରତୀୟ ଟେନିସ ଷ୍ଟାର ସାନିଆ ମିର୍ଜା । ଏଥିସହିତ ଇତିହାସ ରଚିବାଠୁ ଗୋଟିଏ ବିଜୟ ଦୂରରେ ରହିଛନ୍ତି ସାନିଆ ମିର୍ଜା । ଦୀର୍ଘ 2 ବର୍ଷରୁ ଅଧିକ ସମୟ ଧରି ଟେନିସ କୋର୍ଟରୁ ବାହାରେ ଥିଲେ ସାନିଆ।
ମା' ହେବାପରେ ପ୍ରଥମ ଥର ହୋବାର୍ଟ ଇଣ୍ଟନନ୍ୟାସନାଲରେ ଖେଳୁଛନ୍ତି 33 ବର୍ଷିୟ ପୂର୍ବତନ ବିଶ୍ବ ନଂ1 ଖେଳାଳି ସାନିଆ । ମହିଳା ଡବଲ୍ସ ବର୍ଗରେ ଅନ୍ୟତମ ପାର୍ଟନର ୟୁକ୍ରେନର ନାଦିଆ କିଚନୋକ-ସାନିଆ ଯୋଡି ଫାଇନାଲରେ ପ୍ରବେଶ କରିଛନ୍ତି । ସେମିଫାଇନାଲରେ ଜିଦାନସେକ ଓ ବଜକୋଭା ଯୋଡିଙ୍କୁ 7-6, 6-2 ସେଟରେ ହରାଇଥିଲେ ।
ବର୍ଷ 2017ରେ ଚାଇନା ଓପନରେ ଏହା ପୂର୍ବରୁ ଶେଷ ଟୁର୍ଣ୍ଣାମେଣ୍ଟ ଖେଳିଥିଲେ ସାନିଆ । ତେବେ ହୋବାର୍ଟ ଇଣ୍ଟରନ୍ୟାସନାଲ ସେମିଫାଇନାଲ ବିଜୟ ପରେ ଜୀବନର ଅନ୍ୟତମ ଶ୍ରେଷ୍ଠ ଦିନ ବୋଲି କହିଛନ୍ତି ସାନିଆ ।
