ରାଜ୍ୟଗୋଷ୍ଠୀ ଟେବୁଲ ଟେନିସ ଚାମ୍ପିଅନସିପ: ମିଳୁଛି ଅନଲାଇନ ଟିକେଟ

ଜୁଲାଇ 17ରୁ 22ତାରିଖ ପର୍ଯ୍ୟନ୍ତ କଟକରେ ଖେଳାଯିବାକୁ ଥିବା ରାଜ୍ୟଗୋଷ୍ଠୀ ଟେବୁଲ ଟେନିସ ଚାମ୍ପିଅନସିପ ପାଇଁ ଅନଲାଇନରେ ଟିକେଟ ବିକ୍ରି ଆରମ୍ଭ ହୋଇଛି ।

କଟକ: ଜବାହାରଲାଲ ଇଣ୍ଡୋର ଷ୍ଟାଡିୟମ କଟକରେ ହେବ ରାଜ୍ୟଗୋଷ୍ଠୀ ଟେବୁଲ ଟେନିସ ଚାମ୍ପିଅନସିପ । ଜୁଲାଇ 17ରୁ 22ତାରିଖ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଖେଳାଯିବ । ଏଥିପାଇଁ ଅନଲାଇନରେ ଟିକେଟ ବିକ୍ରି ଆରମ୍ଭ ହୋଇଛି । paytm.com ଓ insider.inରେ ଏହି ଟିକେଟ ମହଜୁଦ ରହିଛି ।

ଗୋଟିଏ ଦିନ ପାଇଁ ଟିକେଟର ମୂଲ୍ୟ 50.00 ଟଙ୍କା ଓ 100.00ଟଙ୍କା ରହିଛି । ଟୁର୍ଣ୍ଣାମେଣ୍ଟର ସଂପୂର୍ଣ୍ଣ 6 ଦିନ ପାଇଁ ମଧ୍ୟ ଏକାଥରେ ଟିକେଟ କରିହେବ । ଟିକେଟର ମୂଲ୍ୟ 200.00 ଓ 400.00 ଟଙ୍କା ରହିଛି ।