ନ୍ୟୁୟର୍କ: ୟୁଏସ ଓପନ ଟାଇଟେଲ ବିଜେତା ହୋଇଛନ୍ତି ଜାପାନର ନାଓମି ଓସାକା । ଫାଇନାଲ ମୁକାବିଲାରେ ରବିବାର ଭିକ୍ଟୋରିଆ ଆଜରେଙ୍କାଙ୍କୁ ହରାଇ ଦ୍ବିତୀୟ ୟୁଏସ ଓପନ ସହ କ୍ୟାରିୟରର ତୃତୀୟ ଗ୍ରାଣ୍ଡସ୍ଲାମ ଟାଇଟେଲ ବିଜେତା ହୋଇଛନ୍ତି ଓସାକା ।
ଟାଇଟାଲ ଲଢେଇ ମ୍ୟାଚରେ ଆଜରେଙ୍କାଙ୍କୁ 1-6, 6-3, 6-3 ସେଟ୍ ରେ ମାତ ଦେଇଥିଲେ ଓସାକା । ଏକଘଣ୍ଟା 53 ମିନିଟ ଧରି ଉଭୟ ଖେଳାଳିଙ୍କ ମଧ୍ୟରେ କଡା ଟକ୍କର ଦେଖିବାକୁ ମିଳିଥିଲା ।
ଏହା ପୂର୍ବରୁ 2018 ସଂସ୍କରଣର ୟୁଏସ ଓପନ ଟାଇଟେଲ ବିଜେତା ହୋଇଥିଲେ ଓସାକା ।
ଏଥିସହିତ ସେ ପ୍ରଥମ ଏସିଆନ ଖେଳାଳି ଭାବେ 3ଟି ଗ୍ରାଣ୍ଡ ସ୍ଲାମ ବିଜେତା ଖେଳାଳି ହୋଇଛନ୍ତି । ପୂର୍ବରୁ ଚାଇନାର ଲି ନା ଦୁଇଟି ଗ୍ରାଣ୍ଡସ୍ଲାମ ବିଜୟୀ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
