ଜଦର: ବିଶ୍ବ ଟେନିସ ମାନ୍ୟତାର 19 ନଂ ଖେଳାଳି ଗ୍ରିଗର ଡିମିଟ୍ରୋଭ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ନୋବାକ ଜୋକଭିକ ଫାଉଣ୍ଡେସନ ପକ୍ଷରୁ ଆୟୋଜିତ ପ୍ରଦର୍ଶନୀ ଟେନିସ ଟୁର୍ଣ୍ଣାମେଣ୍ଟ ଆଦ୍ରିଆ ଟୁରରେ ଡିମିଟ୍ରୋଭ ଭାଗ ନେଇଥିଲେ । ଏହି ଟୁର୍ଣ୍ଣାମେଣ୍ଟ ଫେରିବା ପରେ ତାଙ୍କର ରିପୋର୍ଟ ପଜିଟିଭ ଥିବା ଜଣାପଡିଛି ।
ଏନେଇ ନିଜ ଇନଷ୍ଟାଗ୍ରାମ ପେଜରେ ସାଥୀ ଖେଳାଳି, ପ୍ରଶଂସକ ଉଦ୍ଦେଶ୍ୟରେ ସୂଚନା ଦେଇଛନ୍ତି ଡିମିଟ୍ରୋଭ । ଏଥିସହିତ ଆଦ୍ରିଆ ଟୁର ସମୟରେ ସଂସ୍ପର୍ଶରେ ଆସିଥିବା ସମସ୍ତଙ୍କୁ କୋଭିଡ-19 ପରୀକ୍ଷା କରାଇନେବାକୁ ସେ ଅପିଲ କରିଛନ୍ତି । ଅନ୍ୟମାନଙ୍କ ପ୍ରତି ସେ ବିପଦ ହୋଇଥିବାରୁ ଦୁଃଖ ପ୍ରକାଶ କରିବା ସହ ସମସ୍ତଙ୍କ ସୁସ୍ଥତା କାମନା କରିଛନ୍ତି । ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ସମସ୍ତ ପ୍ରକାର ଅନ୍ତର୍ଜାତୀୟ ଟେନିସ ଟୁର୍ଣ୍ଣାମେଣ୍ଟ ବନ୍ଦ ରହିଛି । 17ଥର ଗ୍ରାଣ୍ଡସ୍ଲାମ ବିଜେତା ନୋବାକ ଜୋକଭିକ ଆଦ୍ରିଆ ଟୁର ଟେନିସ ଟୁର୍ଣ୍ଣାମେଣ୍ଟର ଆୟୋଜନ କରିଥିଲେ ।
ଅନ୍ୟପଟେ ବିଶ୍ବ ଟେନିସ ମାନ୍ୟତାର ଏକ ନମ୍ବର ଖେଳାଳି ନୋବାକ ଜୋକଭିକ ଆଦ୍ରିଆ ଟୁର ଫାଇନାଲରେ ପ୍ରବେଶ କରିଛନ୍ତି ।
