ପ୍ୟାରିସ୍: କରୋନା ଭାଇରସ୍ ମହାମାରୀକୁ ନେଇ ଚିନ୍ତା ବଢି ଚାଲିଥିବା ବେଳେ ଗୋଟିଏ ପରେ ଗୋଟିଏ ବାତିଲ ହେଉଛି କ୍ରୀଡା ଇଭେଣ୍ଟ । ଆଇପିଏଲ, ଚମ୍ପିଆନ୍ସ ଲିଗ୍ ପରି ବଡ ବଡ ଟୁର୍ଣ୍ଣାମେଣ୍ଟ ବାତିଲ ହେବା ପରେ ଏବେ ବାତିଲ ହୋଇଛି ଫ୍ରେଞ୍ଚ ଓପନ୍ ।
ଆସନ୍ତା ମେ ରୁ ଆରମ୍ଭ ହେବାକୁ ଥିବା ଏହି ଫ୍ରେଞ୍ଚ ଓପନକୁ ସେପ୍ଟେମ୍ବର 20 କୁ ଘୁଞ୍ଚାଇ ଦିଆଯାଇଛି । ଆୟୋଜକମାନେ ମଙ୍ଗଳବାର ଟୁଇଟ୍ କରି କହିଛନ୍ତି । ଟ୍ବିଟରେ ଲେଖାଯାଇଛି ଯେ, ଏହା ସେପ୍ଟେମ୍ବର 20ରୁ ଅକ୍ଟୋବର 4 ପର୍ଯ୍ୟନ୍ତ ଅନୁଷ୍ଠିତ ହେବ । ଯଦିଓ 18 ମେ ରେ ପରିସ୍ଥିତି କ’ଣ ହେବ ତାହା କେହି ପୂର୍ବାନୁମାନ କରିବାରେ ସକ୍ଷମ ନୁହଁନ୍ତି । କିନ୍ତୁ ବର୍ତ୍ତମାନର ପରିସ୍ଥିତିକୁ ନଜରରେ ରଖି ଆମ ପକ୍ଷେ ଟୁର୍ଣ୍ଣାମେଣ୍ଟ ଆୟୋଜନ କରିବା ଅସମ୍ଭବ । ତେଣୁ ଏହାର ତାରିଖକୁ ଘୁଞ୍ଚାଯାଇଛି ବୋଲି ଆୟୋଜକ ସୂଚନା ଦେଇଛନ୍ତି ।
ଫ୍ରାନ୍ସ ଟେନିସ୍ ଫେଡେରେସନ୍ ସଭାପତି ବର୍ନାର୍ଡ ଜିଆଡିକେଲି କହିଛନ୍ତି, ‘‘ଏହି ଭଳି ପରିସ୍ଥିତିରେ ଆମେ ଏକ କଠିନ ପଦକ୍ଷପ ନେବାକୁ ଉଚିତ୍ ମନେ କରିଛୁ ।’’
