ପ୍ୟାରିସ୍: ଚଳିତ ଫ୍ରେଞ୍ଚ ଓପନର କ୍ବାର୍ଟର ଫାଇନାଲରେ ପ୍ରବେଶ କଲେ ବିଶ୍ବ ଟେନିସ ମାନ୍ୟତାର ନୋଭାକ ଜୋକଭିକ । 34 ବର୍ଷୀୟ ଜୋକଭିକ ଇଟାଲିର ଲୋରେଞ୍ଜୋ ମୁସେଟ୍ଟିଙ୍କୁ ଚତୁର୍ଥ ରାଉଣ୍ଡ ମ୍ୟାଚ୍ରେ 6-7, 6-7, 6-1, 6-0, 4-0 ସେଟ୍ରେ ହରାଇ କ୍ବାର୍ଟରଫାଇନାଲରେ ପ୍ରବେଶ କରିଛନ୍ତି । ଏହି ବିଜୟ ସହ କ୍ୟାରିୟରରେ 15ଥର ପାଇଁ ଫ୍ରେଞ୍ଚ ଓପନ କ୍ବାର୍ଟରଫାଇନାଲରେ ପହଞ୍ଚିଛନ୍ତି ।
ମୁସେଟ୍ଟି ଆହତ କାରଣରୁ ପଞ୍ଚମ ସେଟ୍ରୁ ଓହରିଯାଇଥିଲେ । ଉଭୟଙ୍କ ମଧ୍ୟରେ ପ୍ରଥମ ସେଟ୍ରେ କଡା ଟକ୍କର ଦେଖିବାକୁ ମିଳିଥିଲା । ପରେ ମ୍ୟାଚ୍ ଉଭୟ ପ୍ରତିପକ୍ଷଙ୍କ ଛକାପଞ୍ଝା ମଧ୍ୟରେ ଚତୁର୍ଥ ସେଟ୍କୁ ଯାଇଥିଲା । ଏପରିକି କେହି କାହାରିକୁ ଗୋଟିଏ ପଏଣ୍ଟ ଛାଡିବାକୁ ପ୍ରସ୍ତତ ନଥିଲେ ।
ପ୍ରଥମ ଦୁଇଟି ସେଟ୍କୁ ଚମତ୍କାର ଢଙ୍ଗରେ ମୁସେଟ୍ଟି ଜିତିନେଇଥିଲେ । ଫଳରେ ପରାଜୟ ଏଡାଇବା ସହ ବଡ ବିପର୍ଯ୍ୟୟ ରୋକିବାକୁ ଜୋକଭିକଙ୍କୁ ତୃତୀୟ ସେଟ୍ରେ ନିଶ୍ଚିନ୍ତ ବିଜୟ ଆବଶ୍ୟକ ଥିଲା । ଅଭିଜ୍ଞ ଜୋକଭିକ ପ୍ରଭାବୀ ପ୍ରଦର୍ଶନ ସହ ଜବରଦସ୍ତ କମବ୍ୟାକ କରିଥିଲେ ଓ ପରବର୍ତ୍ତୀ 3ଟି ସେଟ୍ରେ ଏକତରଫା ବିଜୟୀ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
