ବେଲଗ୍ରେଡ: ମହାମାରୀ କୋରୋନା ଭାଇରସକୁ ହରାଇ, ବିଶ୍ବ ଟେନିସ ମାନ୍ୟତାର ନଂ1 ଖେଳାଳି ନୋବାକ ଜୋକୋଭିକ ଅଭ୍ୟାସକୁ ଫେରିଛନ୍ତି ।
ବେଲଗ୍ରେଡ ସ୍ଥିତ ନୋବାକ ଟେନିସ ସେଣ୍ଟରର ମୁଖ୍ୟ କୋଚ ବୋରିସ ବୋସନଜାକୋଭିକ ଟେନିସ ସୁପରଷ୍ଟାର ଜୋକୋଭିକଙ୍କ ଅଭ୍ୟାସ ବେଳର ଫଟୋ ନିଜ ଇନଷ୍ଟଗ୍ରାମ ପେଜରେ ସେୟାର କରିଛନ୍ତି ।
ଆଦ୍ରିଆ ୱାର୍ଲ୍ଡ ଟୁର ସମୟରେ କୋଭିଡ-19 ସଂକ୍ରମଣର ଶିକାର ହୋଇଥିବା ଏକାଧିକ ଟେନିସ ଖେଳାଳିଙ୍କ ମଧ୍ୟରେ ଜୋକବିକ ରହିଥିଲେ । ଏହାପରେ 17ଥର ଗ୍ରାଣ୍ଡସ୍ଳାମ ବିଜେତା ଜୋକଭିକ ଟୁର୍ଣ୍ଣାମେଣ୍ଟରେ ସାମାଜିକ ଦୂରତାର ପାଳନା କରିନଥିବା ଯୋଗୁଁ ସମାଲୋଚନାର ଶିକାର ହୋଇଥିଲେ ।
ପରେ ବାନ୍ଧବୀଙ୍କ ସହ ନିଜେ ଜୋକଭିକ ପଜିଟିଭ ଚିହ୍ନଟ ହୋଇଥିବା ସୂଚନା ଦେବା ସହ ସମସ୍ତଙ୍କୁ କ୍ଷମା ପ୍ରାର୍ଥନା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
