ଶାରଜାହ: ଚଳିତ ICC ପୁରୁଷ ଟି-୨୦ ବିଶ୍ବକପ ୨୦୨୧ ସୁପର ୧୨ ପର୍ଯ୍ୟାୟରେ ଆଜି ଗ୍ରୁପ-୧ ରେ ଥିବା ବାଂଲାଦେଶ ଓ ୱେଷ୍ଟଇଣ୍ଡିଜ ମଧ୍ୟରେ ମୁକାବିଲା ହେଉଛି । ଟସ୍ ଜିତି ବାଂଲାଦେଶ କ୍ୟାପଟେନ ମହମଦୁଲ୍ଲା ପ୍ରଥମେ ବୋଲିଂ ନିଷ୍ପତ୍ତି ନେବା ସହ କିରଣ ପୋଲାର୍ଡଙ୍କ ନେତୃତ୍ବାଧୀନ ଇଣ୍ଡିଜକୁ ବ୍ୟାଟିଂ ଆମନ୍ତ୍ରଣ କରିଥିଲେ ।
ଏହାପରେ ନିର୍ଦ୍ଧାରିତ ୨୦ ଓଭରରେ ୭ ୱିକେଟ ହରାଇ ୧୪୨ ରନ୍ ସଂଗ୍ରହ କରିଛି ୱେଷ୍ଟଇଣ୍ଡିଜ । ଫଳରେ ବାଂଲାଦେଶ ସାମ୍ନାରେ ୧୪୩ ରନ୍ର ବିଜୟ ଲକ୍ଷ୍ୟ ରହିଛି ।
ୱେଷ୍ଟଇଣ୍ଡିଜ ପକ୍ଷରୁ ନିକୋଲାସ ପୋରୋନ ସର୍ବାଧିକ ୪୦ ରନ୍ର ଇଂନିସ ଖେଳିଛନ୍ତି । ୨୨ ବଲ୍ରୁ ଗୋଟିଏ ଚୌକା ଓ ୪ଟି ଛକା ସହାୟତାରେ ଦ୍ରୁତ ୪୦ ରନ୍ର ଇଂନିସ ଖେଳିଛନ୍ତି ପୋରୋନ । ସେହିପରି ରୋଷ୍ଟନ ଚେଜ୍ ଧୈର୍ଯ୍ୟପୂର୍ଣ୍ଣ ୩୯ ରନ୍ର ଇଂନିସ ଖେଳିଛନ୍ତି । କ୍ୟାପଟେନ କିରଣ ପୋଲାର୍ଡ ୧୪ ଓ ଜେସନ ହୋଲ୍ଡର ୧୫ ରନ୍ରେ ଅପରାଜିତ ରହିଥିଲେ ।
ଅନ୍ୟପଟେ ବାଂଲାଦେଶ ପକ୍ଷରୁ ମେହେଦି ହସନ, ମୁସ୍ତାଫିଜୁର ରେହମାନ ଓ ସୋରିଫୁଲ ଇସଲାମ ୨ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
