ଆବୁଧାବି: କିରଣ ପୋଲାର୍ଡ ଓ ଆନ୍ଦ୍ରେ ରସେଲଙ୍କ ଦ୍ରୁତ ଇଂନିସ ବଳରେ ଅଷ୍ଟ୍ରେଲିଆ ସାମ୍ନାରେ ୧୫୮ ରନ୍ର ବିଜୟ ଲକ୍ଷ୍ୟ ରଖିଛି ୱେଷ୍ଟଇଣ୍ଡିଜ । ଚଳିତ ଟି-୨୦ ବିଶ୍ବକପରେ ଶେଷ ସୁପର ୧୨ ପର୍ଯ୍ୟାୟ ମ୍ୟାଚ୍ ଖେଳୁଛନ୍ତି ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ । ଟସ୍ ହାରି ପ୍ରଥମେ ବ୍ୟାଟିଂ କରିଥିବା ୱେଷ୍ଟଇଣ୍ଡିଜ ନିର୍ଦ୍ଧାରିତ ୨୦ ଓଭରରେ ୭ ୱିକେଟ ହରାଇ ୧୫୭ ରନ୍ ସଂଗ୍ରହ କରିଛି ।
କ୍ୟାପଟେନ କିରଣ ପୋଲାର୍ଡ ୩୧ ବଲ୍ରୁ ୪୪ ଓ ରସେଲ ୭ ବଲ୍ରୁ ୧୮ ରନ୍ର ଦ୍ରୁତ ଇଂନିସ ଖେଳିଛନ୍ତି । ଇଭିନ ଲିୱିସ ୨୯ ଓ ହେଟମେୟର ୨୭ ରନ୍ର ଉପଯୋଗୀ ଯୋଗଦାନ କରିଛନ୍ତି ।
ଅନ୍ୟପଟେ ଅଷ୍ଟ୍ରେଲିଆ ପକ୍ଷରୁ ଜସ୍ ହେଜେଲଉଡ୍ ୩୪ ରନ୍ ବ୍ୟୟରେ ୪ଟି ୱିକେଟ ହାତେଇବା ସହ ସଫଳତମ ବୋଲର ରହିଛନ୍ତି । ମିଚେଲ ଷ୍ଟାର୍କ, ପାଟ କମିନ୍ସ ଓ ଆଡାମ ଜାମ୍ପାଙ୍କୁ ଗୋଟିଏ ଲେଖାଏଁ ୱିକେଟ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
