ଦୁବାଇ: ଚଳିତ ଟି-୨୦ ବିଶ୍ବକପରୁ ଅଷ୍ଟ୍ରେଲିଆର ଦମଦାର ବିଜୟ । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଇଥିବା ସୁପର ୧୨ ମୁକାବିଲାରେ ୮ ୱିକେଟରେ ବାଂଲାଦେଶକୁ ହରାଇଛି ଅଷ୍ଟ୍ରେଲିଆ । ଫଳରେ ୪ଟି ମ୍ୟାଚ୍ରୁ ୩ବିଜୟରୁ ୬ ପଏଣ୍ଟ ସହ ଗ୍ରୁପ ଏ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ପହଞ୍ଚିଯାଇଛି ଆରୋନ ଫିଞ୍ଚ୍ଙ୍କ ଟିମ । ଅନ୍ୟପଟେ ପରାଜୟ ସହ ବାଂଲାଦେଶର ଅଭିଯାନ ଶେଷ ହୋଇଛି ।
ଟସ୍ ଜିତି କଙ୍ଗାରୁ କ୍ୟାପଟେନ ଆରୋନ ଫିଞ୍ଚ୍ ପ୍ରଥମେ ବୋଲିଂ ନିଷ୍ପତ୍ତି ନେବାସହ ଅଷ୍ଟ୍ରେଲିଆକୁ ବ୍ୟାଟିଂ ଆମନ୍ତ୍ରଣ କରିଥିଲେ । ଷ୍ଟାର ସ୍ପିନର ଆଡାମ ଜାମ୍ପା ଘାତକ ପ୍ରଦର୍ଶନ ସହ ୫ ୱିକେଟ ଦଖଲ କରିଥିଲେ । ଫଳରେ ସଂପୂର୍ଣ୍ଣ ୧୫ ଓଭର ଖେଳିବାକୁ ଅସମର୍ଥ ହୋଇଥିଲା ବାଂଲାଦେଶ ।
୧୫ ଓଭରରେ ମାତ୍ର ୭୩ ରନ୍ରେ ସମସ୍ତ ୱିକେଟ ହରାଇଥିଲା । ଫଳରେ ୭୪ ରନ୍ର ସହଜସାଧ୍ୟ ବିଜୟ ଲକ୍ଷ୍ୟକୁ ୬.୨ ଓଭରରେ ୨ ୱିକେଟ ହରାଇ ହାସଲ କରିନେଇଛି ଅଷ୍ଟ୍ରେଲିଆ । କ୍ୟାପଟେନ ଫିଞ୍ଚ୍ ୨୦ ବଲ୍ରୁ ୪୦ ଓ ୱାର୍ଣ୍ଣର ୧୮ ରନ୍ର ଇଂନିସ ଖେଳିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
