ନୂଆଦିଲ୍ଲୀ: କିମ୍ବଦନ୍ତୀ କପିଳ ଦେବ ବିରାଟ କୋହଲିଙ୍କ ଏକ ବୟାନରେ ନାଖୁସ ଜାହିର କରିଛନ୍ତି । ଚଳିତ ଟି-୨୦ ବିଶ୍ବକପରେ ନ୍ୟୁଜିଲାଣ୍ଡ ଠାରୁ ଭାରତର ପରାଜୟ ପରେ କ୍ୟାପଟେନ ବିରାଟ କୋହଲି ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ କୋହଲି କହିଥିଲେ ଭାରତୀୟ ଟିମ ଲଢୁଆ ନଥିଲା('not brave enough') । ତେବେ କୋହଲିଙ୍କ ଏହି ବୟାନକୁ 'ଅତି ଦୁର୍ବଳ ବୟାନ' ବୋଲି କହିଛନ୍ତି କପିଳ ଦେବ ।
ଏଥିସହ କୋଚ୍ ରବି ଶାସ୍ତ୍ରୀ, ମେଣ୍ଟର ମହେନ୍ଦ୍ର ସିଂହ ଧୋନି ଖେଳାଳିଙ୍କ ମନୋବଳ ବଢାଇବା ଉଚିତ୍ ବୋଲି କପିଳ ଦେବ କହିଛନ୍ତି ।
ରବିବାର ଭାରତ ଦୁବାଇରେ ଖେଳାଯାଇଥିବା ମ୍ୟାଚ୍ରେ ନ୍ୟୁଜିଲାଣ୍ଡ ଠାରୁ ୮ ୱିକେଟରେ ପରାସ୍ତ ହୋଇଛି । ୬୨ ବର୍ଷୀୟ ପୂର୍ବତନ ଭାରତୀୟ କ୍ୟାପଟେନ କହିଛନ୍ତି ସିନିୟର ସଦସ୍ୟ UAEରେ ପ୍ରଦର୍ଶନର ଉତ୍ତରଦାୟିତ୍ବ ନିଅନ୍ତୁ ।
ଏହି ମ୍ୟାଚ୍ରେ ପରାଜୟ ପେର ଭାରତର ସେମିଫାଇନାଲ ଆଶାକୁ ଶକ୍ତ ଧକ୍କା ଲାଗିଛି । ତେବେ ଏବେବି ସାମାନ୍ୟ ସମ୍ଭାବନା ରହିଛି । ଟିମ ଇଣ୍ଡିଆକୁ ଅବଶିଷ୍ଟ ୩ଟି ମ୍ୟାଚ୍ରେ ବଡ ବ୍ୟବଧାନରେ ବିଜୟୀ ହେବାସହ ନେଟ୍ ରନ୍ରେଟ୍ ସୁଧାରିବାକୁ ହେବ । ଏଥିସହିତ ଆଫଗାନିସ୍ତାନ ଯଦି ନ୍ୟୁଜିଲାଣ୍ଡକୁ ହରାଇଦିଏ, ତେବେ ଭାରତ ପାଇଁ ସୁଯୋଗ ସୃଷ୍ଟି ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
