ଦୁବାଇ: ଟି-୨୦ କ୍ୟାପଟେନ ଭାବେ ସର୍ବଦା ଶ୍ରେଷ୍ଠ କରିବାକୁ ଚାହିଁଛି । ମାତ୍ର ଟିମକୁ ଆଗକୁ ସଫଳ ନେତୃତ୍ବ ଦେବାକୁ ବର୍ତ୍ତମାନ ସମୟ ପରିବର୍ତ୍ତନର । ଭାରତୀୟ କ୍ୟାପଟେନ ବିରାଟ କୋହଲି ସୋମବାର ଏହା କହିଛନ୍ତି ।
ଚଳିତ ଟି-୨୦ ବିଶ୍ବକପରେ ନାମ୍ବିଆ ବିପକ୍ଷରେ ମେନ୍ ଇନ୍ ବ୍ଲୁର ଟି-୨୦ କ୍ୟାପଟେନ ଭାବେ ଶେଷ ମ୍ୟାଚ୍ ଖେଳୁଛନ୍ତି କୋହଲି ।
ଟସ୍ ପରେ କୋହଲି କହିଛନ୍ତି, "ଏହା ସମ୍ମାନର କଥା ଯେ ମୋତେ ଏହି ସୁଯୋଗ ମିଳିଥିଲା ଓ ମୁଁ ମୋର ଶ୍ରେଷ୍ଠ ପ୍ରୟାସ କରିଛି । ତେବେ ବର୍ତ୍ତମାନ ସମୟ ଆଗକୁ ବଢିବାର । ଟିମ ଯେଉଁପରି ଖେଳିଛି ସେଥିପାଇଁ ଗର୍ବିତ । ଟିମକୁ ଆଗକୁ ବଢାଇବାକୁ ସମୟ ଆସିଛି, ରୋହିତ(ଭାଇସ-କ୍ୟାପଟେନ) ରହିଛନ୍ତି ଓ ସମସ୍ତ ବିଷୟକୁ ଦେଖୁଛନ୍ତି ।"
ରବିବାର ନ୍ୟୁଜିଲାଣ୍ଡ ଠାରୁ ଆଫଗାନିସ୍ତାନ ପରାସ୍ତ ହେବାପରେ ବିଶ୍ବକପରୁ ଭାରତ ବାହାର ହୋଇଥିଲା । ନାମ୍ବିଆ ବିପକ୍ଷରେ ବିଜୟ ମିଳିଲେ ମଧ୍ୟ ଗ୍ରୁପ ୨ରେ ଦ୍ବିତୀୟ ସ୍ଥାନରେ ରହି ସେମିଟିକେଟ ହାତେଇଥିବା ନ୍ୟୁଜିଲାଣ୍ଡର ପଏଣ୍ଟକୁ ପାର୍ କରିପାରିବ ନାହିଁ ଭରତ ।
ଚଳିତ ଟି-୨୦ ବିଶ୍ବକପରେ ଭାରତ ଶେଷ ସୁପର ୧୨ ମୁକାବିଲା ନାମ୍ବିଆ ବିପକ୍ଷରେ ଖେଳୁଛି । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଉଥିବାବେଳେ ଟସ୍ ଜିତି ଭାରତ ପ୍ରଥମେ ବୋଲିଂ ନିଷ୍ପତ୍ତି ନେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
