ହାଇଦ୍ରାବାଦ: ଆଜି ବିଶ୍ବ ବାସ୍କେଟ ବଲ ଦିବସ। ପ୍ରତିବର୍ଷ ଡିସେମ୍ବର 21 ତାରିଖରେ ବିଶ୍ବ ବାସ୍କେଟ୍ ବଲ୍ ଦିବସ ପାଳନ କରାଯାଏ । କ୍ରୀଡ଼ାର ବିକାଶକୁ ସମ୍ମାନ ଜଣାଇବା ସହିତ ଆଥଲେଟିକ୍ସଙ୍କର ଅବଦାନ ବିଷୟରେ ପ୍ରେରଣା ଯୋଗାଇବା ପାଇଁ ଏହି ଦିବସ ପାଳନ କରାଯାଏ । ବ୍ୟବସାୟ, ଶାନ୍ତି ଏବଂ କୂଟନୈତିକ କ୍ଷେତ୍ରରେ ବାସ୍କେଟବଲ୍ ଗୁରୁତ୍ୱପୂର୍ଣ୍ଣ କାରଣ ସାଜିଛି । ଏହା ସହଯୋଗ, ଶାରୀରିକ କାର୍ଯ୍ୟକଳାପ ଏବଂ ପାରସ୍ପରିକ ନିର୍ଭରଶୀଳତାର ଏକ ସ୍ୱତନ୍ତ୍ର ପରିବେଶକୁ ପ୍ରୋତ୍ସାହିତ କରିଥାଏ । ଯାହା ଖେଳାଳୀମାନଙ୍କୁ ପରସ୍ପରକୁ ସର୍ବପ୍ରଥମେ ସାଥୀ ଭାବେ ଆପଣାଇବା ପାଇଁ ଉତ୍ସାହିତ କରିଥାଏ । ଅନ୍ୟ କ୍ରୀଡ଼ା ଭଳି ବାସ୍କେଟ୍ ବଲ୍ ମଧ୍ୟ ସମସ୍ତ ସୀମା, ଭାଷା, ସଂସ୍କୃତିକୁ ସର୍ବୋପରି ସାମିଲ କରିଥାଏ । ଏହା ଏକତାର କାରକ ଭାବରେ କାର୍ଯ୍ୟ କରିଥାଏ ଯାହା ସମସ୍ତ ପୃଷ୍ଠଭୁମୀର ବ୍ୟକ୍ତିତ୍ବଙ୍କୁ ପରସ୍ପର ସହ ଯୋଡ଼ି ହୋଇ ବାର୍ତ୍ତାଳାପ ମାଧ୍ୟମରେ ସମସ୍ତ ବାଧା ବା ପ୍ରତିବନ୍ଧକକୁ ଦୂରୀକରଣ ସହ ଶାନ୍ତି ସ୍ଥାପିତ ସମ୍ପର୍କକୁ ଦୃଢ଼ୀଭୁତ କରିବାକୁ ଅନୁମତି ପ୍ରଦାନ କରିଥାଏ ।
ଆମେରିକାର ମାସାଚୁସେଟ୍ସର ସ୍ପ୍ରିଙ୍ଗଫିଲ୍ଡରେ ଥିବା ଆନ୍ତର୍ଜାତୀୟ YMCA ତାଲିମ ବିଦ୍ୟାଳୟରେ କାନାଡାର ଫିଜିକାଲ ଶିକ୍ଷାବିତ୍ ଜେମ୍ସ ନାଇସମିଥ 1891 ମସିହା ଡିସେମ୍ବର 21 ତାରିଖରେ ବାସ୍କେଟବଲର ଉଦ୍ଭାବନ କରିଥିଲେ । ଶୀତଦିନ ଛାତ୍ରଛାତ୍ରୀଙ୍କୁ ଆକ୍ଟିଭ୍ ରଖିବା ପାଇଁ ସେ ଏହି ଖେଳ ତିଆରି କରିଥିବା ନେଇ କହିଥିଲେ। ଜାତିସଂଘ ସାଧାରଣ ସଭା 2023 ମସିହା ଅଗଷ୍ଟ 25 ତାରିଖରେ A/RES/77/324 ସଂକଳ୍ପ ଆପଣାଇ ବିଶ୍ବ ବାସ୍କେଟ ବଲ୍ ଦିବସ ଭାବେ ଘୋଷଣା କରିଥିଲା ।
YMCA ତାଲିମ ସୁବିଧାରେ ତାଙ୍କ ଛାତ୍ରମାନଙ୍କ ବ୍ୟତୀତ ପୃଥିବୀର ଅସଂଖ୍ୟ ଖେଳାଳି, ପ୍ରଶଂସକ ଏବଂ ସମ୍ପ୍ରଦାୟ ଉପରେ ନାଇସମିଥ ପ୍ରଭାବ ଉପରେ ଧ୍ୟାନ ଆକର୍ଷଣ କରିଥାଆନ୍ତି । ପରସ୍ପର ମଧ୍ୟରେ ସହଯୋଗ, ଟିମ୍ ୱାର୍କ୍ ଏବଂ ଯୋଗାଯୋଗକୁ ପ୍ରୋତ୍ସାହିତ କରିବା ସହିତ କିଭଳି ସମନ୍ବୟ ରକ୍ଷା କରାଯାଇ ପାରିବ ସେନେଇ ଆଲୋକପାତ କରାଇଥାଏ ।
ଏହା ମଧ୍ୟ ପଢନ୍ତୁ: 'United By Emotion': ସରିଲା ଟୋକିଓ ଅଲମ୍ପିକ୍ସ, ପ୍ୟାରିସ୍ ୨୦୨୪କୁ ଅପେକ୍ଷା
ଆଜିକା ସମୟରେ ବାସ୍କେଟ୍ ବଲ ବିଶ୍ବର ସବୁଠାରୁ ପସନ୍ଦ ଏବଂ ଲୋକପ୍ରିୟ କ୍ରୀଡ଼ା ଭାବେ ବିକଶିତ ହୋଇପାରଛି । ବାସ୍କେଟବଲ୍ ତଦାରଖ କରୁଥିବା ଏଜେନ୍ସି FIBAର ଆକଳନ ଅନୁଯାୟୀ, ବର୍ତ୍ତମାନ ବିଶ୍ବସ୍ତରରେ ଅତି କମ୍ରେ 450 ମିଲିୟନ ବାସ୍କେଟବଲ୍ ଖେଳାଳି ରହିଛନ୍ତି । ଉତ୍ତର ଆମେରିକା, ବିଶେଷକରି ଆମେରିକା, ୟୁରୋପ, ଏସିଆରେ ବାସ୍କେଟ୍ ବଲ୍ ଅଧିକ ଲୋକପ୍ରିୟ ହୋଇଛି । 1936 ବର୍ଲିନ୍ ଅଲିମ୍ପିକ୍ସରେ ଡେବ୍ୟୁ ହେବା ପରଠାରୁ ବାସ୍କେଟ୍ ବଲ୍ ମଧ୍ୟ ଅଲିମ୍ପିକ୍ କାର୍ଯ୍ୟକ୍ରମର ଏକ ଅଂଶ ହୋଇ ରହିଛି । ଇନୋଭେଟିଭ ବାସ୍କେଟ ବଲ୍ ଆଫ୍ରିକା ଲିଗ୍ (BAL) 2019ରେ ପ୍ରତିଷ୍ଠିତ ହୋଇଥିଲା ଏବଂ ଏହାପରେ ଆଫ୍ରିକାର 12ଟି କ୍ଲବ ଟିମ୍ ସହିତ ଏକ ପ୍ରୋଫେସନାଲ ଲିଗ୍ରେ ପରିଣତ ହୋଇଥିଲା । ଏହାପରେ 1892 ମସିହାରେ ମହିଳାମାନେ ମଧ୍ୟ ବାସ୍କେଟ୍ ବଲ ଖେଳିବା ଆରମ୍ଭ କରିଥିଲେ ।
