ବର୍ମିଂହାମ(ଇଂଲଣ୍ଡ): ରାଜ୍ୟଗୋଷ୍ଠୀ କ୍ରୀଡ଼ାରେ ଭାରୋତ୍ତଳନରେ ଭାରତୀୟଙ୍କ କମାଲ ଜାରି ରହିଛି । ୯୬ କେଜି ବର୍ଗର ପୁରୁଷ ବିଭାଗରେ ରୌପ୍ୟ ପଦକ ହାସଲ କରିଛନ୍ତି ଭାରତର ବିକାଶ ଠାକୁର । ସେ ମୋଟ ୩୪୬ ଭାରୋତ୍ତଳନ କରି ପଦକ ହାସଲ କରିଛନ୍ତି ।
ଏହି କ୍ରମରେ ଲଗାତାର ୩ଟି ରାଜ୍ୟଗୋଷ୍ଠୀ କ୍ରୀଡ଼ା ପଦକ ହାସଲ କରିଛନ୍ତି । ଚଳିତ ରାଜ୍ୟଗୋଷ୍ଠୀ କ୍ରୀଡ଼ାରେ ବିକାଶ ସ୍ନାଚ୍ରେ ୧୫୫ ଭାରୋତ୍ତଳନ କରିଥିଲେ । ଏହାପରେ କ୍ଲିନ୍ ଓ ଜର୍କରେ ସେ ୧୯୧ କେଜି ଭାରୋତ୍ତଳନ କରିଛନ୍ତି । ଏହାପୂର୍ବରୁ ୨୦୧୪ ରାଜ୍ୟଗୋଷ୍ଠୀ କ୍ରୀଡ଼ାରେ ମଧ୍ୟ ରୌପ୍ୟ ପଦକ ହାସଲ କରିଥିଲେ ବିକାଶ । ଏହାପରେ ୨୦୧୮ରେ ବିକାଶ ଠାକୁର କାଂସ୍ୟ ପଦକ ହାସଲ କରିଥିଲେ
