ନୂଆଦିଲ୍ଲୀ: କ୍ୟାନସର ପୀଡିତ ପୂର୍ବତନ ବକ୍ସର ଡିଙ୍ଗକୋ ସିଂଙ୍କୁ ସହାୟତାର ହାତ ବଢାଇଲେ ବକ୍ସର ବିଜେନ୍ଦର ସିଂ ଓ ମନୋଜ କୁମାର । 'ହମ ମେ ହେ ଦମ୍' ନାମରେ ଏକ ହ୍ବାଟସପ ଗ୍ରୁପ ଗଢି ସହାୟତା ପାଇଁ ପାଣ୍ଠି ଯୋଗାଡ କରିବାକୁ ପ୍ରୟାସ କରିଛନ୍ତି ବିଜେନ୍ଦର ଓ ମନୋଜ ।
ହ୍ବାଟସପ ଗ୍ରୁପ ମାଧ୍ୟମରେ ଅନ୍ୟ ଭାରତୀୟ ବକ୍ସର ଓ କୋଚଙ୍କୁ ସାମିଲ କରାଯାଇଛି । ସହାୟତା ରାଶି 1000- 25,000 ପର୍ଯ୍ୟନ୍ତ ରଖାଯାଇଥିବା ବେଳେ 1ଲକ୍ଷରୁ ଅଧିକ ଟଙ୍କା ଯୋଗାଡ ପାଇଁ ଲକ୍ଷ୍ୟ ରହିଛି । ଏହି ସମସ୍ତ ଅର୍ଥ ରାଶିକପ ଡିଙ୍ଗକୋ ସିଂହଙ୍କ ଆକାଉଣ୍ଟକୁ ଅନଲାଇନ ପଠାଯିବ ବୋଲି ବିଜେନ୍ଦର କହିଛନ୍ତି ।
ବିଜେନ୍ଦର କହିଛନ୍ତି ଡିଙ୍ଗକୋ ଆମ ପାଇଁ ହିରୋ । ସେ ଭାରତ ବର୍ଷର ସମ୍ମାନ । ଦେଶର ପ୍ରତିଟି ବକ୍ସର ତାଙ୍କୁ ସହାୟତାର ଆବଶ୍ୟକତା ରହିଛି ।
ମାତ୍ର 19 ବର୍ଷ ବୟସରେ 1998 ଏସିଆନ ଚମ୍ପିଆନସିପରେ ଦେଶ ପାଇଁ ସ୍ବର୍ଣ୍ଣ ବିଜେତା ରହିଛନ୍ତି ଡିଙ୍ଗକୋ ସିଂ । ଅସୁସ୍ଥ ଡିଙ୍ଗକୋ ନିଜ ଘର ଇମ୍ଫାଲରୁ ନୂଆଦିଲ୍ଲୀ ରେଡିଏସନ ଥେରାପି ପାଇଁ କ୍ରୀଡାମନ୍ତ୍ରାଳୟକୁ ଅନୁରୋଧ କରିଥିଲେ । ଲକାଡାଉନ ଯୋଗୁଁ ମଣୀପୁରରୁ ଦିଲ୍ଲୀ ଯାଇପାରୁନାହାନ୍ତି ପୂର୍ବତନ ପୂର୍ବତନ ଭାରତୀୟ ଚମ୍ପିଆନ ବକ୍ସର ଡିଙ୍ଗକୋ ସିଂ ।
ବ୍ୟୁରୋ ରିପୋର୍ଟ, ଇଟିଭି ଭାରତ
