ନୂଆଦିଲ୍ଲୀ: ଭାରତୀୟ ଅଲମ୍ପିକ ଆସୋସିଏସନ(IOA) ଗୁରୁବାର ଆଗାମୀ ଟୋକିଓ ଅଲମ୍ପିକ୍ସ ପାଇଁ ପ୍ରାୟୋଜକ କମ୍ପାନୀ ନାମ ଘୋଷଣା କରିଛି । MPL ସ୍ପୋର୍ଟ୍ସ ଫେଡେରେସନ 'ପ୍ରିନ୍ସପାଲ ପ୍ରାୟୋଜକ' ଭାବେ ଟୋକିଓ ଅଲମ୍ପିକ ଗେମ୍ସ, 2022 ଏସିଆନ ଗେମ୍ସ ଓ ରାଜ୍ୟଗୋଷ୍ଠୀ କ୍ରୀଡା ପାଇଁ ପ୍ରାୟୋଜକ ଚୁକ୍ତି କରିଛି ।
IOA ସଭାପତି ନରିନ୍ଦର ବାତ୍ରା ଓ ସମ୍ପାଦକ ରାଜୀବ ମେହେଟ୍ଟା ଏକ ବିବୃତି ଜାରି କରିବା ସହ ଦେଢବର୍ଷ ପାଇଁ MPL ସହ ଭାରତୀୟ ଅଲମ୍ପିକ ଆସୋସିଏସନ ସାମିଲ ହୋଇଥିବା ଘୋଷଣା କରିଛନ୍ତି ।
ଏହି ଘୋଷଣାନାମା ଅନୁଯାୟୀ, MPL 80 କୋଟି ଟଙ୍କା IOAକୁ ପ୍ରଦାନ କରିବ । ଏଥିସହ 2022 ଏସିଆନ ଗେମ୍ସ ଓ ରାଜ୍ୟଗୋଷ୍ଠୀ କ୍ରୀଡା ପାଇଁ ଭାରତୀୟ ଆଥଲେଟ୍ଙ୍କୁ ସ୍ପୋର୍ଟ୍ସ କିଟ ଯୋଗାଇବ ।
ଅମୁଲ ମଧ୍ୟ ଟୋକିଓ 2020 ଅଲମ୍ପିକ ଗେମ୍ସ ପାଇଁ IOAକୁ ସହଯୋଗ ପାଇଁ ଆଗେଇ ଆସିଛି । ଡିସେମ୍ବର 2021 ପର୍ଯ୍ୟନ୍ତ ସମୟ ପାଇଁ 1.00 କୋଟି ଟଙ୍କା ପ୍ରାୟୋଜର ରାଶି ଭାବେ ସଂଘକୁ ପ୍ରଦାନ କରିବ ଅମୁଲ ।
ଟୋକିଓ ଅଲମ୍ପିକ୍ସ ଜୁଲାଇ 23ରୁ ଆରମ୍ଭ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
