ହାଇଦ୍ରାବାଦ: ପର୍ତ୍ତୁଗାଲ୍ର ଷ୍ଟାର ଫୁଟବଲର କ୍ରିଷ୍ଟିଆନୋ ରୋନାଲ୍ଡୋଙ୍କ ଏକ ନବଜାତ ପୁତ୍ର ମୃତ୍ୟୁ ହୋଇଛି । ଏହି ଦୁଃଖକୁ ସେ ସୋସିଆଲ ମିଡିଆରେ ସେୟାର କରିଛନ୍ତି । ରୋନାଲ୍ଡୋ ଓ ତାଙ୍କ ବାନ୍ଧବୀ ଜର୍ଜିନା ଜାଆଁଳା ସନ୍ତାନର ବାପା ମାଆ ହେବେ ବୋଲି ଘୋଷଣା କରିଥିଲେ । ଗତ ଅକ୍ଟୋବର ମାସରେ ଉଭୟ ଏଭଳି ଘୋଷଣା କରିଥିଲେ ।
- — Cristiano Ronaldo (@Cristiano) April 18, 2022 " class="align-text-top noRightClick twitterSection" data="
— Cristiano Ronaldo (@Cristiano) April 18, 2022
">— Cristiano Ronaldo (@Cristiano) April 18, 2022
ତେବେ ଜର୍ଜିନା ମଙ୍ଗଳବାର ଏକ କନ୍ୟା ସନ୍ତାନ ଓ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ । କିଛି ସମୟରେ ପୁତ୍ର ସନ୍ତାନର ମୃତ୍ୟୁ ହୋଇଥିଲା । ଏହାକୁ ନେଇ ରୋନାଲ୍ଡୋ ଟ୍ବିଟ୍ କରି କହିଛନ୍ତି ଯେ, "ଅତି ଦୁଃଖର ସହ ଆପଣମାନଙ୍କୁ ଜଣାଉଛି ଆମର ପୁତ୍ର ସନ୍ତାନର ମୃତ୍ୟୁ ହୋଇଛି । ବାପାମାଆଙ୍କ ପାଇଁ ଏହାଠାରୁ ବଡ଼ ଦୁଃଖ ଆଉ କିଛି ହେଇନପାରେ ଯାହାକୁ ସେମାନେ ସହିବାକୁ ବାଧ୍ୟ ହୁଅନ୍ତି । ଆମ ଝିଅ ହିଁ ଏହି ଦୁଃଖ ସହିବାକୁ ଆମକୁ ଶକ୍ତି ଦେଉଛି । ଆମେ ସମସ୍ତ ଡାକ୍ତର ଓ ନର୍ସଙ୍କୁ ଧନ୍ୟବାଦ ଦେଉଛୁ । ଯେଉଁମାନେ ଉଚିତ ଚିକିତ୍ସା ଯୋଗାଇ ଦେଇଛନ୍ତି । ଆମେ ଆମର ବେବି ଆଞ୍ଜେଲ୍କୁ ସବୁବେଳେ ଭଲ ପାଇବୁ ।"
ତା ସହିତ ରୋନାଲ୍ଡ ଏହି ଦୁଃଖ ସମୟରେ ତାଙ୍କ ଗୋପନୀୟତାର ଧ୍ୟାନ ରଖିବାକୁ ଫ୍ୟାନ୍ସମାନଙ୍କୁ ଅପିଲ କରିଛନ୍ତି । ୨୦୧୬ରୁ ଜର୍ଜିନା ଓ ରୋନାଲ୍ଡୋ ରିଲେସନ୍ରେ ଅଛନ୍ତି । ରୋନାଲ୍ଡୋ ବର୍ତ୍ତମାନ ସୁଦ୍ଧା ବିବାହ କରି ନାହାନ୍ତି । ତେବେ ସେ ଏହାପୂର୍ବରୁ ୪ଟି ସନ୍ତାନର ବାପା ହୋଇ ସାରିଛନ୍ତି । ୨୫ ବର୍ଷ ବୟସରେ ସେ ପ୍ରଥମ ଥର ପାଇଁ ବାପା ହେବାର ସୌଭାଗ୍ୟ ଅର୍ଜନ କରିଥିଲେ । ୨୦୧୦ରେ ତାଙ୍କର ଏକ ପୁତ୍ର ସନ୍ତାନ ଜନ୍ମ ନେଇଥିଲା । ପୁତ୍ରଙ୍କ ନାମ ରଖାଯାଇଥିଲା ଜୁନିଅର ରୋନାଲ୍ଡୋ । ଏହାପରେ ୨୦୧୭ରେ ସେ ଏକ ଜାଆଁଳା ପୁତ୍ର ଓ କନ୍ୟା ସନ୍ତାନର ବାପାମାଆ ହେଲେ । ତାସହିତ ଜର୍ଜିନାଙ୍କ ଔସରରୁ ତାଙ୍କର ଏକ କନ୍ୟା ସନ୍ତାନ ମଧ୍ୟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
