କଟକ: ଶେଷ ହୋଇଛି 21ତମ ରାଜ୍ୟଗୋଷ୍ଠୀ ଟେବୁଲ ଟେନିସ ଚମ୍ପିଆନସିପ । 12ଟି ଦେଶ ଏଥିରେ ଭାଗ ନେଇଥିଲେ । ଟିମ ଇଣ୍ଡିଆ ସର୍ବାଧିକ ସ୍ଵର୍ଣ ଜିତି ରେକର୍ଡ ରଚିଛି । ହେଲେ ଏହି ରେକର୍ଡ ପଛରେ ରହିଥିବା ପ୍ରକୃତ ବିଜେତା ହେଉଛି କମିଶନରେଟ ପୋଲିସ ।
କାରଣ ଖେଳାଳି ଆସିବାଠୁ ଆରମ୍ଭ କରି ଯିବା ପର୍ଯ୍ୟନ୍ତ ସବୁ ଦିଗକୁ ସୁରକ୍ଷା ବଳୟରେ ବାନ୍ଧିଥିଲା କମିଶନରେଟ ପୋଲିସ । ଯାହାଦ୍ୱାରା ଏକ ସଫଳ ଆୟୋଜନ ସମ୍ଭବ ହୋଇପାରିଲା ଖେଳାଳିଙ୍କ ଆସିବାଠୁ ଆରମ୍ଭ କରି ହୋଟେଲ ଯିବା ପର୍ଯ୍ୟନ୍ତ ପୋଲିସଙ୍କ ପାଇଁ ରହିଥିଲା ବଡ଼ ଚ୍ୟାଲେଞ୍ଜ । କାରଣ ଯେଉଁପରି ପରି ଭାବରେ ସହରର ଆଇନ ଶୃଙ୍ଖଳା ପରିସ୍ଥିତି ରହିଛି ତାହା ନ କହିବା ଭଲ । ତେବେ ଏହି ମେଗା ଇଭେଣ୍ଟରେ ପ୍ରକୃତ ଚମ୍ପିଆନ କମିଶନରେଟ ପୋଲିସ କହିଲେ ଅତ୍ୟୁକ୍ତି ହେବନି ।
ମ୍ୟାଚ ଆରମ୍ଭର 10 ଦିନ ପୂର୍ବରୁ ପାୱାର ହାଉସରେ ରଚା ଯାଇଥିଲା ବ୍ଲୁ-ପ୍ରିଣ୍ଟ । ଆଉ ସେହି ଅନୁସାରେ ପ୍ରତି ଦିଗରେ ଛାଉଣୀ ହୋଇଯାଇଥିଲେ ପୋଲିସ ବାହିନୀ । ବେଶ ସୁରୁଖୁରରେ ସମାପ୍ତ କରିଥିଲେ ତାଙ୍କ କାମ । ତେବେ ପରିଶେଷରେ ଗୋଟେ କଥା କୁହାଯାଇପାରେ ରାଜ୍ୟଗୋଷ୍ଠୀ କ୍ରୀଡାରେ କମିଶନରେଟ ପୋଲିସ ହିଁ ପ୍ରକୃତ ହିରୋ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
