ହାଇଦ୍ରାବାଦ: ଭାରତୀୟ ଷ୍ଟାର ଶର୍ଟଲର ପି.ଭି. ସିନ୍ଧୁ ଓ ସମୀର ବର୍ମା ଅଷ୍ଟ୍ରେଲିଆନ ଓପନରେ ବିଜୟରୁ ଅଭିଯାନ ଆରମ୍ଭ କରିଛନ୍ତି । ତେବେ ଅଲିମ୍ପିକ୍ ରୌପ୍ୟ ପଦକ ବିଜୟିନୀ ସିନ୍ଧୁ ୨୧-୧୪, ୨୧-୯ ଗେମ୍ରେ ଇଣ୍ଡୋନେସିଆର ଚୋଇରୁନ୍ନିସାଙ୍କୁ ଏକତରଫା ଭାବେ ହରାଇଛନ୍ତି ।
ସେହିପରି ପୁରୁଷ ସିଙ୍ଗଲ୍ସ ବର୍ଗରେ ୬ଷ୍ଠ ସିଡ୍ ସମୀର ୨୧-୧୫, ୧୬-୨୧, ୨୧-୧୨ ବ୍ୟବଧାନରେ ମାଲେସିଆର ଜି.ଲି. ଜିଆଙ୍କୁ ହରାଇଛନ୍ତି । ଅନ୍ୟପଟେ ପୂର୍ବତନ ସିଙ୍ଗାପୁର ଓପନ ଚମ୍ପିଆନ ବି. ସାଇ ପ୍ରଣୀଥ କୋରିଆର ଲି ଡଙ୍ଗ କେଉନଙ୍କୁ ୨୧-୧୬, ୨୧-୧୪ ଗେମ୍ରେ ହରାଇ ଦେଇଛନ୍ତି । ପ୍ରଣୀଥ ଦ୍ୱିତୀୟ ସିଡ୍ ଆନ୍ଥୋନୀ ସିନିସୁକା ଗିଣ୍ଟିଂଙ୍କ ସହ ମୁକାବିଲା କରିବେ ।
ସେହିପରି ଗୁରୁବାର ଦ୍ବିତୀୟ ରାଉଣ୍ଡରେ ଚାଇନିଜ୍ ତାଇପେର ଓ୍ବାଙ୍ଗ ଜୁ ଓ୍ବେଇଙ୍କ ସହ ମୁକାବିଲା କରିବେ ସୀମର । ଅନ୍ୟପଟେ ପରବର୍ତ୍ତୀ ମ୍ୟାଚ୍ରେ ଥାଇଲାଣ୍ଡର ନିଚାନ ଜିନ୍ଦପଲଙ୍କୁ ଭେଟିବେ ସିନ୍ଧୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
