ଟୋକିଓ: ଉନ୍ମୋଚିତ ହେଲା ବିଶ୍ବ କ୍ରୀଡାର ମହାକୁମ୍ଭ ଅଲମ୍ପିକ୍ସ 2020ର ପଦକ ଓ ପୋଡିୟମ । ଟୋକିଓ ଅଲମ୍ପିକ ଆୟୋଜକ କମିଟି ଓ ଅନ୍ତର୍ଜାତୀୟ ଅଲମ୍ପିକ କମିଟି ଔପଚାରିକ ଭାବେ ଉଭୟ ଅଲମ୍ପିକ ଓ ପାରାଅଲମ୍ପିକ ଗେମ୍ସର ପୋଡିୟମ ଉନ୍ମୋଚନ କରିଛନ୍ତି ।
ତେବେ ଅଲମ୍ପିକ ଇତିହାସରେ ପ୍ରଥମଥର ପାଇଁ ପ୍ଲାଷ୍ଟିକରେ ତିଆରି ଅଲମ୍ପିକ ପୋଡିୟମ ସାଧାରଣ ଲୋକଙ୍କ ଠାରୁ ସଂଗ୍ରହ କରାଯାଇ ତିଆରି କରାଯାଇଛି । ଜାପାନ ବାସୀଙ୍କ ଠାରୁ ସଂଗୃହୀତ ପ୍ଲାଷ୍ଟିକରୁ ପୁନଃ ପ୍ରସ୍ତୁତ କରାଯାଇଛି ଏହି ପୋଡିୟମ ।
ଟୋକିଓ ଅଲମ୍ପିକ ଜୁଲାଇ 23ରୁ ଆରମ୍ଭ ହେବାନେଇ ସୂଚୀ ରହିଛି । ଏଥିପାଇଁ ସମସ୍ତ ଦେଶର ଆଥଲେଟ ପ୍ରସ୍ତୁତିରେ ଲାଗିଛନ୍ତି । ଗତକାଲି ଭାରତୀୟ ଅଲମ୍ପିକ ଆସୋସିଏସନ ପକ୍ଷରୁ ଭାରତୀୟ ଖେଳାଳିଙ୍କ ଅଲମ୍ପିକ ଜର୍ସି ମଧ୍ୟ ଉନ୍ମୋଚିତ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
