ଟୋକିଓ: ଟୋକିଓ ଅଲିମ୍ପିକ୍ସ 2020 ଆୟୋଜକ କମିଟିର ଅଧ୍ୟକ୍ଷ ୟୋଶିରୋ ମୋରୀ କରିଛନ୍ତି ଯେ ଜାପାନର ରାଜଧାନୀରେ କରୋନାଭାଇରସ ମହାମାରୀକୁ ନେଇ ଯଦି ବର୍ତ୍ତମାନ ପରି ପରିସ୍ଥିତି ଉପୁଜେ, ତେବେ ଆସନ୍ତା ବର୍ଷ ଖେଳ ଆୟୋଜନ କରିବା ସମ୍ଭବ ନୁହେଁ।
ଗତ ସପ୍ତାହରେ ଟୋକିଓରେ କୋରୋନାର 293ଟି ମାମଲାର ଏକ ନୂତନ ଦୈନିକ ରେକର୍ଡ ହୋଇଥିଲା ଏବଂ ଗତ କିଛି ଦିନ ମଧ୍ୟରେ ଏହି ସଂଖ୍ୟା 200ରୁ ଅଧିକ ରହିଆସୁଛି। ବିଶେଷଜ୍ଞମାନେ ସଂକ୍ରମଣର ଶୀଘ୍ର ବିସ୍ତାର ହେବାର ଚେତାବନୀ ଦେଇଥିବାବେଳେ ସହରର ରାଜ୍ୟପାଳ ୟୁରିକୋ କୋଏକେ ବାସିନ୍ଦାଙ୍କୁ ଘରେ ରହିବାକୁ କହିଛନ୍ତି।
ଜାପାନର ଏକ ନ୍ୟୁଜ ଚ୍ୟାନେଲ ଯେତେବେଳେ ଏହି ପରିସ୍ଥିତିରେ ଖେଳଗୁଡିକ ଆଗକୁ ଯାଇପାରିବ କି ବୋଲି ପ୍ରଶ୍ନରେ ମୋରୀ କହିଛନ୍ତି ଯେ, ‘‘ଯଦି ସାମ୍ପ୍ରତିକ ପରିସ୍ଥିତି ଜାରି ରହେ, ତେବେ ଆମେ କରିପାରିବୁ ନାହିଁ।’’
ମୋରି ଏହା ମଧ୍ୟ କହିଛନ୍ତି ଯେ ଏହି ସମୟରେ ଏଭଳି ପ୍ରଶ୍ନର ଉତ୍ତର ଦେବା ତାଙ୍କ ପାଇଁ ଉପଯୁକ୍ତ ନୁହେଁ ଏବଂ ଏକ ବର୍ଷ ପରେ ପରିସ୍ଥିତି ସମାନ ରହିବ ବୋଲି ସେ ବିଶ୍ବାସ କରନ୍ତି ନାହିଁ।
ପ୍ରାରମ୍ଭରୁ ଚଳିତ ବର୍ଷ ଜୁଲାଇ 24ରୁ ଅଗଷ୍ଟ 9 ମଧ୍ୟରେ ହେବାକୁ ଥିବା ଟୋକିଓ ଅଲିମ୍ପିକ୍ସକୁ ମାର୍ଚ୍ଚ ମଧ୍ୟଭାଗରେ କୋରୋନାଭାଇରସ ହେତୁ ସ୍ଥଗିତ ରଖାଯାଇଥିଲା।
ଏହି ଖେଳଗୁଡିକ ବର୍ତ୍ତମାନ ଜୁଲାଇ 23 ରୁ ଅଗଷ୍ଟ 8 ମଧ୍ୟରେ 2021 ରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି, କିନ୍ତୁ ଅନେକ ସ୍ବାସ୍ଥ୍ୟ ବିଶେଷଜ୍ଞ ସନ୍ଦେହ ପ୍ରକଟ କରିଛନ୍ତି ଯେ ମହାମାରୀର ପରିସ୍ଥିତି ସ୍ଥିର ହେବ କି ନାହିଁ।
ମୋରି ସ୍ବୀକାର କରିଛନ୍ତି ଯେ ଖେଳଗୁଡିକ ହେବ କି ନାହିଁ ତାହା କୋଭିଡ-19 ପାଇଁ ଟିକା ଉପଲବ୍ଧତା ଉପରେ ନିର୍ଭର କରିବ।
ଖେଳଗୁଡିକ ଆଉ ଥରେ ସ୍ଥଗିତ ରଖାଯିବ ନାହିଁ ବୋଲି ଆୟୋଜକମାନେ ସ୍ପଷ୍ଟ କରିଛନ୍ତି।
@IANS
