ଟୋକିଓ: ଜୁଲାଇ ୧୭ରେ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦରରୁ ଜାପାନ ଯାତ୍ରା କରିଥିବା ଭାରତୀୟ ଅଲମ୍ପିକ ଟିମ ରବିବାର ସୁରକ୍ଷିତ ଟୋକିଓରେ ପହଞ୍ଚିସାରିଛି । ଏଥିସହ ଅଲମ୍ପିକ୍ସ ଅଂଶଗ୍ରହଣ ଖେଳାଳିଙ୍କ ରହଣୀ ପାଇଁ ପ୍ରସ୍ତୁତ ଭିଲେଜରେ ପହଞ୍ଚିସାରିଛନ୍ତି ।
ବିମାନବନ୍ଦରରେ ସମସ୍ତ ୮୮ଜଣ ଆଥଲେଟ୍ଙ୍କର COVID-19 ଟେଷ୍ଟ ହୋଇଛି ଓ ରିପୋର୍ଟ ନେଗେଟିଭ ରହିଛି । ବିମାନବନ୍ଦରରେ ସେମାନଙ୍କର PVC କାର୍ଡ ମଧ୍ୟ ବୈଧ ହୋଇଛି ।
ସମସ୍ତ ଆଥଲେଟ୍ସ, କୋଚ ଓ ସପୋର୍ଟ ଷ୍ଟାଫ ଅଲମ୍ପିକ ଭିଲେଜରେ ସୁରକ୍ଷିତ ଭବେ ଆରାମରେ ରହିଥିବା ଏକ ଅଫିସିଆଲ ଘୋଷଣାନାମାରେ କୁହାଯାଇଛି ।
ସମସ୍ତ ସଦସ୍ୟଙ୍କୁ ସଂକ୍ରମଣ ରୋକିବାକୁ ହୋଇଥିବା ନିୟମ ବିଷୟରେ ଅବଗତ କରାଯାଇଛି ଓ COVID-19 ଟେଷ୍ଟିଂ କିଟ୍ ଖେଳାଳିଙ୍କ କୋଚ୍ଙ୍କୁ ବିତରଣ କରାଯାଇଛି ।
ସୋମବାର(ଜୁଲାଇ ୧୯)ରୁ ଅଭ୍ୟାସ ଆରମ୍ଭ କରିବେ ଭାରତୀୟ ଖେଳାଳି ।
୧୮ଟି ଭିନ୍ନ ଖେଳରେ ମୋଟ ୧୨୭ଜଣ ଭାରତୀୟ ଆଥଲେଟ ଟୋକିଓ ଅଲମ୍ପିକ୍ସରେ ଅଂଶଗ୍ରହଣ କରିବାକୁ ଯୋଗ୍ୟତା ଅର୍ଜନ କରିଛନ୍ତି । ଅଲମ୍ପିକ୍ସକୁ ଭାରତ ଏଯାବତ ପଠାଇଥିବା କୌଣସି ଟିମ ଠାରୁ ଏହି ସଂଖ୍ୟା ଅଧିକ ।
ଜୁଲାଇ ୨୩ରୁ ଅଗଷ୍ଟ ୮ ପର୍ଯ୍ୟନ୍ତ ଟୋକିଓ ଅଲମ୍ପିକ୍ସ ଜାରି ରହିବ । ଗତବର୍ଷ ଏହି ମେଗା ଟୁର୍ଣ୍ଣାମେଣ୍ଟ ହେବାନେଇ ସୂଚୀ ରହିଥିଲା ମାତ୍ର COVID-19 ସଂକ୍ରମଣ ଭୟ କାରଣରୁ ସମ୍ଭବ ହୋଇନଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
