ହାଇଦ୍ରାବାଦ: ମାଲେସିଆ ଓପନ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର ପ୍ରଥମ ରାଉଣ୍ଡରୁ ଭାରତୀୟ ଶଟଲର ସମୀର ବର୍ମା ବିଦାୟ ନେଇଛନ୍ତି । ୭୫୦ ହଜାର ଆମେରିକୀୟ ଡଲାର ପୁରସ୍କାର ରାଶି ବିଶିଷ୍ଟ ଏହି ଟୁର୍ଣ୍ଣାମେଣ୍ଟ ମାଲେସିଆରେ ଖେଳାଯାଉଛି।
ଏହି ୨୪ ବର୍ଷୀୟ ମଧ୍ୟପ୍ରଦେଶର ଖେଳାଳି ପ୍ରଥମ ରାଉଣ୍ଡରେ ବିଶ୍ୱର ଦୁଇ ନମ୍ବର ଚୀନ ଖେଳାଳି ଶି ୟୁକିଙ୍କଠାରୁ ୨୦-୨୨, ୨୩-୨୧, ୧୨-୨୧ ଗେମରେ ପରାସ୍ତ ହୋଇଛନ୍ତି । ସମୀର ଗତବର୍ଷ ଡିସେମ୍ବରରେ ଆୟୋଜିତ ୱାର୍ଲ୍ଡ ଟୁର୍ ସେମିଫାଇନାଲରେ ଶି ୟୁକିଙ୍କ ଠାରୁ ହାରିଥିଲେ ।
ତେବେ ୬୫ ମିନିଟ ଧରି ଚାଲିଥିବା ପୁରୁଷ ସିଙ୍ଗିଲ୍ସ ବର୍ଗର ଏହି ମ୍ୟାଚରେ ପ୍ରଥମ ଗେମରେ ସମୀର ୨୦-୨୨ରେ ହାରିଯାଇଥିଲେ । ମାତ୍ର ଦ୍ବିତୀୟ ଗେମରେ ସମୀର ଦମଦାର ପ୍ରତ୍ୟାବର୍ତ୍ତନ କରି ୨୩-୨୧ରେ 2ୟ ସେଟକୁ ଜିତି ନେଇଥିଲେ । କିନ୍ତୁ ତୃତୀୟ ଗେମରେ ସମୀର ନୈରାଶ୍ୟଜନକ ପ୍ରଦର୍ଶନ କରିଥିବା ବେଳେ ଶି ୟୁକି ୯-୦ରେ ଆଗୁଆ ଥିଲେ । ଏହା ପରେ ଭାରତୀୟ ଖେଳାଳି ପ୍ରତ୍ୟାବର୍ତ୍ତନ କରିନପାରି ଗେମରେ ୧୨-୧୨ରେ ପରାସ୍ତ ହୋଇଥିଲେ।