ସ୍ପାଇଲବର୍ଗ: ଷ୍ଟିରିଆନ ଗ୍ରାଣ୍ଡ ପ୍ରିକ୍ସ ବିଜେତା ହୋଇଛନ୍ତି ଲୁଇସ ହାମିଲଟନ । ମର୍ସିଡିସ ସାଥୀ ଖେଳାଳି ଭଲଟେରୀ ବୋଟାସଙ୍କ ବିପକ୍ଷରେ ସହଜସାଧ୍ୟ ବିଜୟ ହାସଲ କରିଛନ୍ତି ।
ଗତ ସପ୍ତାହରେ ଅଷ୍ଟ୍ରିଆନ ଗ୍ରାଣ୍ଡ ପ୍ରିକ୍ସ P4ରେ ରହିଥିଲେ । ତେବେ ଷ୍ଟିରିଆନ ଗ୍ରାଣ୍ଡ ପ୍ରିକ୍ସରେ ଆରମ୍ଭରୁ ଦମ ଦେଖାଇଥିଲେ ହାମିଲଟନ । ଫଳରେ ରେଡ ବଲର ଭର୍ଷ୍ଟାପେନ ଓ ବଟାସଙ୍କୁ ପଛରେ ପକାଇ ବିଜୟୀ ହୋଇଥିଲେ । ଏହା ହାମିଲଟନଙ୍କ 85ତମ ଗ୍ରାଣ୍ଡ ପ୍ରିକ୍ସ ବିଜୟ ।
ଗତ ସପ୍ତାହରେ ଖରାପ ପ୍ରଦର୍ଶନ ପରେ, ଏହି ପ୍ରତିଯୋଗିତାରେ ପ୍ରଥମ ସ୍ଥାନରେ ରେସ ଶେଷ କରିଥିବାରୁ ଖୁସିବ୍ୟକ୍ତ କରିବା ସହ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ହାମିଲଟନଙ୍କ ଏହି ବୟାନ ଫର୍ମୁଲା ୱାନ ଅଫିସିଆଲ ୱେବସାଇଟରେ ସ୍ଥାନ ପାଇଛି ।
