ହାଇଦ୍ରାବାଦ: ଅଗଷ୍ଟ 29 ତାରିଖରେ ଦେଶ ପାଳିବ 'ଜାତୀୟ କ୍ରୀଡା ଦିବସ' । ଏହି ଅବସରରେ 'ଫିଟ୍ ଇଣ୍ଡିଆ ମୁଭମେଣ୍ଟ' ଲଞ୍ଚ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ଏହି ଆଡମ୍ବର ପୂର୍ଣ୍ଣ ଆୟୋଜନରେ ସମସ୍ତଙ୍କୁ ଯୋଗ ଦେବାକୁ ଆମନ୍ତ୍ରଣ ଦେଇଛନ୍ତି କେନ୍ଦ୍ର କ୍ରୀଡାମନ୍ତ୍ରୀ କିରଣ ରିଜ୍ଜୁ । ଏଥି ସହିତ ସୋସିଆଲ ମିଡିଆରେ ଏବେ ଖୁବ ଲୋକପ୍ରିୟ ହୋଇଥିବା 'ବଟଲକ୍ୟାପ ଚ୍ୟାଲେଞ୍ଜ' କୁ ଗ୍ରହଣ କରିଛନ୍ତି ।
ତେବେ ସେ ସମାନ ଢଙ୍ଗରେ ଗୋଡ ବୁଲାଇ ବଟଲର ଠିପି ଖୋଲିବାକୁ ସକ୍ଷମ ହୋଇଛନ୍ତି । ଏହି ଭିଡିଓଟିକୁ ରିଜ୍ଜୁ ନିଜ ଟ୍ବିଟର ଆକାଉଣ୍ଟରେ ପୋଷ୍ଟ କରି ଫିଟ୍ନେସର ବାର୍ତ୍ତା ଦେଇଛନ୍ତି । ସେ ଲେଖିଛନ୍ତି, "ଆସନ୍ତା ଅଗଷ୍ଟ 29ରେ 'ଜାତୀୟ କ୍ରୀଡା ଦିବସ' ପାଳନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ଫିଟ୍ ଇଣ୍ଡିଆ ମୁଭମେଣ୍ଟ' ଲଞ୍ଚ କରିବେ । ତେଣୁ ମୁଁ ସମସ୍ତଙ୍କୁ ଅନୁରୋଧ କରୁଛି ଏହି ଫିଟ୍ନେସ ରାଲିରେ ସାମିଲ ହୁଅନ୍ତୁ । ସୁନ୍ଦର ଜୀବନଟେ ବଞ୍ଚିବା ପାଇଁ ଆମକୁ ଫିଟ୍ ରହିବା ଆବଶ୍ୟକ । ଆଉ ଏହି ଫିଟ୍ନେସକୁ ଆମେ ସହଜ ଉପାୟରେ ବଜାୟ ରଖି ପାରିବା ।"
