କୈଥଲ: ବକ୍ସିଂ ବିଶ୍ବକପରେ କୈଥଲର ସାହସୀ କୁସ୍ତିଯୋଦ୍ଧା ମନୀଷା ମୌନ ସ୍ବର୍ଣ୍ଣ ପଦକ ଜିତିଛନ୍ତି । 57 କିଲୋଗ୍ରାମ ବର୍ଗରେ ମନୀଷାଙ୍କୁ ଏହି ସ୍ବର୍ଣ୍ଣିମ ସଫଳତା ମିଳିଛି । ଜର୍ମାନୀରେ ସଦ୍ୟ ସମାପ୍ତ ହୋଇଥିବା କୋଲନ ବକ୍ସିଂ ବିଶ୍ବକପରେ ମନୀଷା ଭାରତକୁ ଦ୍ବିତୀୟ ସ୍ବର୍ଣ୍ଣ ଦେଇଥିଲେ । ଏହାପୂର୍ବରୁ ପୁରୁଷ ବର୍ଗର ବକ୍ସିଂରେ ରୋହତକର ଅମିତ ପଙ୍ଘଲ ସ୍ବର୍ଣ୍ଣ ପଦକ ହାତେଇଥିଲେ ।
ତେବେ ମନୀଷା ସ୍ବର୍ଣ୍ଣ ପଦକ ଜିତିବା ପରେ ତାଙ୍କୁ ଶୁଭେଚ୍ଛା ଜଣାଇବାକୁ ଭିଡ ଲାଗିଥିଲା । ମନୀଷା ଏହା ପୂର୍ବରୁ ପ୍ରାୟ 25ରୁ 30ଟି ଜାତୀୟ ଓ ଅନ୍ତର୍ଜାତୀୟ ପଦକ ନିଜ ନାମରେ କରିସାରିଛନ୍ତି ।
ବିଶ୍ବାସ ଥିଲା ଯେ ମନୀଷା ଦିନେ ଦେଶ ପାଇଁ ଖେଳିବ ଓ ସଫଳତା ଆଣିଦେବ । ଏହା କହିଛନ୍ତି ମନୀଷାଙ୍କ କୋଚ ।
ମନୀଷାଙ୍କ ପ୍ରମୁଖ ସଫଳତା :
- ଏପ୍ରିଲ 2019ରେ ଥାଇଲାଣ୍ଡରେ ହୋଇଥିବା ଏସିଆନ ଚମ୍ପିଆନସିପରେ ବ୍ରୋଞ୍ଜ ପଦକ
- 2018ରେ ହୋଇଥିବା ଆଇବା ଓପନ ପ୍ରତିଯୋଗୀତାରେ ସ୍ବର୍ଣ୍ଣ ବିଜେତା
- 2019ରେ ଆଇବା ଓପନ ପ୍ରତିଯୋଗୀତାରେ ରୌପ୍ୟ ପଦକ
- 2019ରେ ଦିଲ୍ଲୀରେ ହୋଇଥିବା ବିଗ ଆଉଟ ପ୍ରତିଯୋଗୀତାରେ ରୌପ୍ୟ ପଦକ
- ଜାତୀୟ ସ୍ତରୀୟ ପ୍ରତିଯୋଗୀତାରେ ପ୍ରାୟ 20 ସ୍ବର୍ଣ୍ଣ ପଦକ
ବ୍ୟୁରୋ ରିପୋର୍ଟ, ଇଟିଭି ଭାରତ
