ନୂଆଦିଲ୍ଲୀ: ଚଳିତ ସୁଟିଂ ବିଶ୍ବକପରେ ସୋମବାର ଆୟୋଜକ ଭାରତ ପାଇଁ ଶୁଭଙ୍କର ହୋଇଛି । ସୋମବାର ଆଉ 3ଟି ସ୍ବର୍ଣ୍ଣ ହାସଲ କରିବା ସହ ପଦକ ତାଲିକାର ଶୀର୍ଷ ସ୍ଥାନରେ ରହିଛି ଭାରତ । ମୋଟ 6ଟି ସ୍ବର୍ଣ୍ଣ 4ଟି ରୌପ୍ୟ ଓ 4ଟି ବ୍ରୋଞ୍ଜ ପଦକ ସହ ପଦକ ତାଲିକାର ଶୀର୍ଷରେ ରହିଛି ।
ସୋମବାର ଭାରତୀୟ ସୁଟର ହାତେଇଛନ୍ତି 5ଟି ପଦକ । ଫଳରେ ଡକ୍ଟର କରଣୀ ସିଂ ସୁଟିଂ ରେଞ୍ଜରେ ଚାଲିଥିବା ISSF ସୁଟିଂ ବିଶ୍ବକପରେ ଭାରତର ପଦକ ସଂଖ୍ୟା 14ରେ ପହଞ୍ଚିଛି ।
ପ୍ରଥମେ 10 ମିଟର ଏୟାର ରାଇଫଲ ମିକ୍ସଡ ଟିମ ଇଭେଣ୍ଟରେ ପଦକ ବିଜୟ ଆରମ୍ଭ କରିଥିବା ଭାରତ । ପରେ 10 ମିଟର ଏୟାର ପିସ୍ତଲ ଓ ପରେ ପୁରୁଷ ସ୍କିଟ ପ୍ରତିଯୋଗିତାର ଫାଇନାଲରେ ସ୍ବର୍ଣ୍ଣ ଜିତିଥିଲେ ଭାରତୀୟ ସୁଟର । ଏହାପରେ ଭାରତୀୟ ମହିଳା ସ୍କିଟ୍ ଟିମ ରୌପ୍ୟ ଓ 10 ମିଟର ଏୟାର ପିସ୍ତଲ ମିକ୍ସଡ ଟିମ ଇଭେଣ୍ଟରେ ବ୍ରୋଞ୍ଜ ପଦକ ହାତେଇଥିଲେ ଭାରତୀୟ ଖେଳାଳି ।
ବ୍ୟୁରୋ ରିପୋର୍ଟ, ଇଟିଭି ଭାରତ
