ହାଇଦ୍ରାବାଦ: ବୁଡାପେଷ୍ଟରେ ଆୟୋଜିତ WTT କଣ୍ଟେଣ୍ଡରରେ ଦୁଇ ଭାରତୀୟ ଟେବୁଲ ଟେନିସ ଷ୍ଟାର ଜି. ସାଥିୟାନ ଓ ମନିକା ବାତ୍ରାଙ୍କ ଦମଦାର ପ୍ରଦର୍ଶନ। ସେମିଫାଇନାଲରେ ବେଲାରୁସିଆନ ଯୋଡି ଆଲେକଜାଣ୍ଡର ଓ ଡାରିଆ ଟ୍ରିଗୋଲସ୍ଙ୍କୁ ୧୧-୬, ୧୧-୫, ୧୧-୪ରେ ହରାଇ ଫାଇନାଲରେ ପ୍ରବେଶ କରିଛନ୍ତି ସାଥିୟାନ ଓ ମନିକା ।
ଗ୍ଳୋବାଲ ଇଭେଣ୍ଟରେ ଭାରତୀୟ ଯୋଡିଙ୍କ ଏହା ଶ୍ରେଷ୍ଠ ପ୍ରଦର୍ଶନ। ଫାଇନାଲ ମୁକାବିଲାରେ ହଙ୍ଗେରୀର ନାନ୍ଦର ଏକସକି ଓ ଦୋରା ମାଦାରାସଜଙ୍କୁ ସହ ଭାରତୀୟ ଯୋଡି ମୁହାଁମୁହିଁ ହେବେ । ଅନ୍ୟ ଏକ ସେମିଫାଇନାଲ ଲଢେଇରେ ଏହି ଯୋଡି, ଋଷିଆର କିରିଲ ସ୍କାଚକୋଭ ଓ ଓଲଗା ଭୋରବେଭାଙ୍କୁ ୧୧-୫, ୧୧-୯, ୧୧-୮ରେ ହରାଇ ଫାଇନାଲରେ ପ୍ରବେଶ କରିଛନ୍ତି ।
ସାଥିୟାନ ଓ ମନିକା ଶ୍ରେଷ୍ଠ ପ୍ରଭାବୀ ପ୍ରଦର୍ଶନ କରିଛନ୍ତି ଓ ଫାଇନାଲରେ ପ୍ରବେଶ କରିଛନ୍ତି । ଫଳରେ ଉଭୟ ଟାଇଟେଲ ବିଜୟ ଲକ୍ଷ୍ୟରେ ରହିଛନ୍ତି । ସେମି ମୁକାବିଲାର ୩ଟି ଗେମ୍ରେ ମାତ୍ର ୩ଟି ପଏଣ୍ଟ ହରାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
