ନୂଆଦିଲ୍ଲୀ: କଳିଙ୍ଗ ଷ୍ଟାଡିୟମରେ ଭାରତୀୟ ହକି ଦଳ FIH ହକି ପ୍ରୋ ଲିଗ୍ର ଡବଲ ହେଡର ମ୍ୟାଚ୍ରେ ଆର୍ଜଣ୍ଟିନାକୁ ଭେଟିବ । ଏଥିପାଇଁ ୨୨ ଜଣିଆ ଦଳ ଘୋଷଣା କରିଛି ହକି ସଂଘ । ମାର୍ଚ୍ଚ ୧୯ ତାରିଖରୁ ଆର୍ଜେଣ୍ଟିନା ବିପକ୍ଷରେ ମ୍ୟାଚ୍ ଖେଳିବ ଭାରତ ।
ଏହି ମ୍ୟାଚ୍ ପାଇଁ ଭାରତୀୟ ଦଳରେ ଜଣେ ନୂଆ ଚେହେରାଙ୍କୁ ସାମିଲ କରିଛି । ଏମ୍ ରବିଚନ୍ଦ୍ର ସିଂହ ଭାରତୀୟ ଦଳରେ ନୂଆ ଚେହେରା ଭାବରେ ସାମିଲ ହୋଇଛନ୍ତି । ସେ ପୂର୍ବରୁ ଭାରତୀୟ ଜୁନିଅର ଦଳର ସଦସ୍ୟ ରହି ସାରିଛନ୍ତି । ଦଳରେ ଦୁଇଜଣ ଗୋଲ କିପରଙ୍କୁ ସାମିଲ କରାଯାଇଛି ।
ପିଆର୍ ଶ୍ରୀଜେଶ, କ୍ରୀଶନ ବାହାଦୁର ପାଠକ ଭାରତୀୟ ଦଳରେ ସାମିଲ ହୋଇଛନ୍ତି । ସେହିଭଳି ହରମନପ୍ରୀତ ସିଂହ ଜୁଗରାଜ ସିଂହ, ସୁରେନ୍ଦର କୁମାର ବରୁଣ କୁମାର, ଜରମନପ୍ରୀତ ସିଂହ ଓ ଅମିତ ରୋହିଦାସ ଦଳରେ ଡିଫେଣ୍ଡର ଭାବରେ ସାମିଲ ହୋଇଛନ୍ତି । ସେହିଭଳି ମନପ୍ରୀତ ସିଂହ, ବିବେକ ସାଗର ପ୍ରସାଦ ହାର୍ଦ୍ଦିକ ସିଂହ, ସୁମିତ, ସମଶେର ସିଂହ, ନୀଳକାନ୍ତ ଶର୍ମା ଓ ରବିଚନ୍ଦ୍ର ସିଂହ ଦଳରେ ମିଡ୍ ଫିଲ୍ଡର ଭାବରେ ସାମିଲ ହୋଇଛନ୍ତି । ଫରୱାର୍ଡ ଖେଳାଳି ଭାବରେ ଦଳରେ ଗୁରଜନ୍ତ ସିଂହ ଦଳକୁ ପ୍ରତ୍ୟାବର୍ତ୍ତନ କିରଛନ୍ତି । ମନଦୀବ ସିଂହ ଲଳିତ କୁମାଲ ଉପାଧ୍ୟାୟ, ଶିଳାନନ୍ଦ ଲାକ୍ରା, ଶୁଖଜିତ ସିଂହ, ଦୀଲପ୍ରୀତ ସିଂହ ଓ ଅଭିଶେଷ ଦଳରେ ଫରୱାର୍ଡ ଖେଳାଳି ଭାବରେ ସାମିଲ ରହିଛନ୍ତି ।
ଅତିରିକ୍ତ ଖେଳାଳି ଭାବରେ ସୁରଜ କେରକେରା, ମନଦୀପ ମୋର, ଦୀପସାନ ତିର୍କୀ, ନଲମ ସଞ୍ଜୀବ ଖେସ୍, ସଞ୍ଜୟ, ଜଶକରଣ ସିଂହ, ଆକାଶଦୀପ ସିଂହ, ଆଶିଷ କୁମାର ତୋପ୍ନୋ, ଗୁରସାହିବଜିତ ସିଂହ ଓ ମହମ୍ମଦ ରାହିଲ ଦଳରେ ସାମିଲ ହୋଇଛନ୍ତି । ଏହି ସିରିଜରେ ପ୍ରଦର୍ଶନକୁ ନଜରରେ ରଖି ଏସିଆନ୍ ଗେମ୍ସ ପାଇଁ ଦଳ ଚୟନ ହେବ ବୋଲି କହିଛନ୍ତି ଦଳର କୋଚ୍ ଗ୍ରାହମ ରିଡ୍ ।
-
Congratulate #Odisha players, Amit Rohidas & Shilanand Lakra on being selected in the 22-member Indian Men's Hockey Team for the upcoming FIH Pro League matches against Argentina to be played at #KalingaStadium. Wish the team all the very best. #OdishaForSports https://t.co/nwBtAC3xQW
— Naveen Patnaik (@Naveen_Odisha) March 16, 2022 " class="align-text-top noRightClick twitterSection" data="
">Congratulate #Odisha players, Amit Rohidas & Shilanand Lakra on being selected in the 22-member Indian Men's Hockey Team for the upcoming FIH Pro League matches against Argentina to be played at #KalingaStadium. Wish the team all the very best. #OdishaForSports https://t.co/nwBtAC3xQW
— Naveen Patnaik (@Naveen_Odisha) March 16, 2022Congratulate #Odisha players, Amit Rohidas & Shilanand Lakra on being selected in the 22-member Indian Men's Hockey Team for the upcoming FIH Pro League matches against Argentina to be played at #KalingaStadium. Wish the team all the very best. #OdishaForSports https://t.co/nwBtAC3xQW
— Naveen Patnaik (@Naveen_Odisha) March 16, 2022
ଏପଟେ ଓଡିଶା ଖେଳାଳି ଅମିତ ରୋହିଦାସ ଏବଂ ଶିଳାନନ୍ଦ ଲାକ୍ରାଙ୍କ ଚୟନ ପରେ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
