ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାରେ ଭାରତୀୟଙ୍କ କ୍ରୀଡ଼ାବିତ୍ଙ୍କ ଜଲୱା ଜାରି ରହିଛି । ମହିଳା ବିଭାଗ ଲନ୍ ବଲ୍ (lawn bowls) ଇଭେଣ୍ଟରେ (Womens Fours event) ପଦକ ପକ୍କା କରିଛି ଦଳ । ଏହି ଇଭେଣ୍ଟରେ ପ୍ରଥମ ଥର ପାଇଁ ଭାରତ ଫାଇନାଲ୍ରେ ପ୍ରବେଶ କରିଛି । ଫଳରେ ଏହି ଇଭେଣ୍ଟ୍ରେ ଭାରତର ଅତିକମ୍ରେ ରୌପ୍ୟ ପଦକ ପକ୍କା ହୋଇଛି ।
ସୋମବାର ଖେଳାଯାଇଥିବା ସେମିଫାଇନାଲ ମୁକାବିଲାରେ ନ୍ୟୁଜିଲାଣ୍ଡ୍କୁ ମାତ୍ ଦେଇଛି ଭାରତୀୟ ଦଳ । ୧୬-୧୩ ପଏଣ୍ଟ୍ରେ ଭାରତୀୟ ଦଳ ଶକ୍ତିଶାଳୀ ନ୍ୟୁଜିଲାଣ୍ଡକୁ ମାତ୍ ଦେଇଛି । ଲଭ୍ଲୀ ଚୌବେ, ପିଙ୍କି, ନୟନମୋନୀ ସାଇକିଆ ଓ ରୂପାରାଣୀଙ୍କ ଦମ୍ଦାର ପ୍ରଦର୍ଶନ ବଳରେ ଭାରତ ରାଜ୍ୟଗୋଷ୍ଠୀ କ୍ରୀଡ଼ାରେ ଲନ୍ ବଲ୍ ଇଭେଣ୍ଟରେ ଇତିହାସ ସୃଷ୍ଟି କରିଛି । Womens Fours event ଫାଇନାଲ୍ ମୁକାବିଲାରେ ଦକ୍ଷିଣ ଆଫ୍ରିକା ଦଳକୁ ଭେଟିବ ଭାରତୀୟ ଦଳ ।
ସପେଟେ ଗତ ରବିବାର ଏହି ଲନ୍ ବଲ୍ ଇଭେଣ୍ଟର ପୁରୁଷ ବିଭାଗରେ ଦୀନେଶ ଓ ସୁନୀଲଙ୍କ ଯୋଡ଼ି ସେକ୍ସନ ସି' ମ୍ୟାଚ୍ରେ ଇଂଲଣ୍ଡକୁ ପରାଜିତ କରି କ୍ବାର୍ଟର ଫାଇନାଲ୍ରେ ପ୍ରବେଶ କରିଛି । ଏହି କ୍ରମରେ ସେକ୍ସନ ସି'ରେ ଭାରତ ଦ୍ବିତୀୟ ସ୍ଥାନରେ ରହି ଗ୍ରୁପ ପର୍ଯ୍ୟାୟ ମ୍ୟାଚ୍ ଶେଷ କରିଛି ।
