ଭୁବନେଶ୍ବର: କେନ୍ଦ୍ର ସରକାରଙ୍କ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଆନୁକୂଲ୍ୟରେ ନୂଆଦିଲ୍ଲୀଠାରେ ସର୍ବଭାରତୀୟ ସ୍ତରରେ ଅନୁଷ୍ଠିତ ହୌସଲା-୨୦୧୯ରେ ଓଡିଶା ସର୍ବଶ୍ରେଷ୍ଟ ପ୍ରଦର୍ଶନ କରି ଦଳଗତ ଭାବରେ ଚାମ୍ପିୟନ ହୋଇଛି । ଶୁକ୍ରବାର ହୌସଲା-୨୦୧୯ରେ ଓଡିଶାର କୃତୀ ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡିଶା ପକ୍ଷରୁ ପ୍ରତିନିଧିତ୍ଵ କରି ଖୋର୍ଦ୍ଧାର ଝିଅ ନନ୍ଦିନୀ ନାୟକ । ସେ ଉଭୟ 100 ଓ 200 ମିଟରରେ ସ୍ଵର୍ଣ୍ଣ ପଦକ ହାସଲ କରିଛନ୍ତି । ଏହା ସହିତ ସେ 400 ମିଟର ରିଲେ ରେସରେ ରୌପ୍ୟ ପଦକ ହାସଲ କରିଛନ୍ତି । ନନ୍ଦିନୀଙ୍କ ସହ ସ୍ବତନ୍ତ୍ର ସାକ୍ଷାତକାରରେ ସେ ତାଙ୍କର ଭବିଷ୍ୟ ଯୋଜନା ଓ କ୍ରୀଡାକୁ ନେଇ ମତ ରଖିଛନ୍ତି ।
ଶୁକ୍ରବାର ମୁଖ୍ୟମନ୍ତ୍ରୀ ଏହି ଚାମ୍ପିୟାନ ଦଳକୁ ସମ୍ବର୍ଦ୍ଧିତ କରିବା ଅବସରରେ ନନ୍ଦିନୀଙ୍କ ସହ ଆଲୋଚନା କଲାବେଳେ ସେ ଜାମାଇକାର ଆନ୍ତର୍ଜାତିକ ଖ୍ୟାତିସମ୍ପନ୍ନ ଧାବକ ଅଲମ୍ପିୟାନ ଉସେନ ବୋଲ୍ଟ ପରି ଆଗାମୀ ଦିନରେ ହେବାକୁ ଇଚ୍ଛା ପ୍ରକାଶ କରିଛନ୍ତି । ଏହା ସହିତ ସେ କରାଟେରେ ଜାତୀୟ ସ୍ତରରେ ପ୍ରତିନିଧିତ୍ଵ କରିବାର ସୁଯୋଗ ପାଇଛନ୍ତି । କରାଟେ ସେ ପ୍ରସିଦ୍ଧି ଲାଭ କରିବା ସହ ସହ ଟିଚର ହେବାକୁ ଇଚ୍ଛା ରଖିଥିବା କହିଛନ୍ତି ।
ଇଟିଭି ଭାରତ ସହ ଆଲୋଚନାରେ ସେ ମୁଖ୍ୟମନ୍ତ୍ରୀଙ୍କ ଠାରୁ ପୁରସ୍କାର ରାଶି ଗ୍ରହଣ କରି ବହୁତ ଉତ୍ସାହିତ ଥିବା କହିବା ସହ ଆଗକୁ ଆହୁରି ମେଡାଲ ଆଣିବେ ବୋଲି କହିଛନ୍ତି ।
ଉଲ୍ଲେଖ ଯୋଗ୍ୟ ଯେ, ବିଭିନ୍ନ ରାଜ୍ୟର ଶିଶୁ ପ୍ରଯତ୍ନ ଗୃହରେ ରହୁଥିବା ଅନ୍ତେବାସୀମାନଙ୍କୁ ନେଇ ଜାତୀୟ ସ୍ତରରେ ଅନୁଷ୍ଠିତ କ୍ରୀଡ଼ ପ୍ରତିଯୋଗିତା ହୌସଲା-୨୦୧୯ରେ ବିଭିନ୍ନ ପ୍ରକାର କ୍ରୀଡାରେ ସାରାଦେଶର 18 ବର୍ଷ ପର୍ଯ୍ୟନ୍ତ ପିଲାମାନେ ଭାଗନେଇ ସେମାନଙ୍କ ପ୍ରତିଭାର ପରିଚୟ ଦେଇଛନ୍ତି । ଏଥିରେ ଓଡିଶା ଦଳଗତ ଚାମ୍ପିୟାନ ହୋଇଛି ।
ଭୁବନେଶ୍ବରୁ ଲକ୍ଷ୍ମୀକାନ୍ତ ଦାସ ,ଇଟିଭି ଭାରତ
