ହାଇଦ୍ରାବାଦ: ସାତ ଥର ବିଶ୍ବ ଚମ୍ପିଆନ ରହିଥିବା ମରସେଡିସ ଫର୍ମୁଲା ୱାନ ଷ୍ଟାର ଲିୱିସ ହାମିଲଟନ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଫଳରେ ଆଗାମୀ ସପ୍ତାହରେ ବାହରିନରେ ହେବାକୁ ଥିବା ଶାଖିର ଗ୍ରାଣ୍ଡ ପ୍ରିକ୍ସରେ ଖେଳିବେନାହିଁ ହାମିଲଟନ ।
ସୋମବାର ହାମିଲଟନଙ୍କ ଠାରେ ମଧ୍ୟମ ଧରଣର କୋଭିଡ-19 ଲକ୍ଷଣ ଦେଖାଯାଇଥିଲା । ଏନେଇ ମରସେଡିସ ପକ୍ଷରୁ ଏକ ବିବୃତିରେ କୁହାଯାଇଛି । ଗତ ସପ୍ତାହରେ ଲିୱିସ 3ଥର କୋଭିଡ-19 ଟେଷ୍ଟର ସାମ୍ନା କରିଥିଲେ ।
ସମସ୍ତ ରିପୋର୍ଟ ନେଗେଟିଭ ରହିଥିଲା । ଗତ ରବିବାର ଅପରାହ୍ନରେ ଶେଷ ଟେଷ୍ଟ ହୋଇଥିଲା । ତେବେ ସୋମବାର ସାମାନ୍ୟ ଲକ୍ଷଣ ଅନୁଭବ ହେବାପରେ ହାମିଲଟନ ତୁରନ୍ତ ପୁନର୍ବାର ଟେଷ୍ଟ କରାଇଥିଲେ । ପରେ ରିପୋର୍ଟ ପଜିଟିଭ ଥିବା ଜଣାପଡିଛି । ଏହାପରେ କୋଭିଡ-19 ଗାଇଲାଇନ ଅନୁଯାୟୀ, ନିଜକୁ ଆଇସୋଲେସନରେ ରଖିଛନ୍ତି ।
ଅନ୍ୟପଟେ ହାମିଲଟନଙ୍କ ବଦଳ ଡ୍ରାଇଭର ଭାବେ ଖୁବ ଶୀଘ୍ର ମରସେଡିସ ଘୋଷଣା କରିବ ବୋଲି ସ୍ପଷ୍ଟ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
