କଟକ: କୁହାଯାଏ ହଜାରେ ବର୍ଷର କଟକ ସହର, ବାଉନ ବଜାର ତେପନ ଗଳି । ସ୍ଥାନୀୟ ଜବହାରଲାଲ ଇଣ୍ଡୋର ଷ୍ଟାଡିୟମରେ ସଦ୍ୟସମାପ୍ତ ହୋଇଛି ରାଜ୍ୟଗୋଷ୍ଠୀ ଟେବୁଲ ଟେନିସ ଚମ୍ପିଆନସିପ । ଏହି ପ୍ରତିଯୋଗିତାର ଆୟୋଜନ, ସିଲଭରସିଟିର ସମୃଦ୍ଧିମୟ ଇତିହାସରେ ଯୋଡିଛି ଆଉ ଏକ ସୁନ୍ଦର ଫର୍ଦ୍ଦ ।
ଫନିର ବିଭିଶିଖା ପରେ ପୁଣିଥରେ ଚଳଚଞ୍ଚଳ ହୋଇଉଠିଛି ପ୍ରଚୀନ କଟକ ସହର । ଚକମକ୍ କରୁଛି କଟକର ରିଙ୍ଗ ରୋଡ । ରାସ୍ତା କଡରେ ନୂଆ ନୂଆ ବୃଷ ରୋପଣ କଟକର ସୁନ୍ଦରତାକୁ ଦ୍ବିଗୁଣିତ କରୁଛି । ତେବେ ଏକଦା ଓଡିଶାର କ୍ରୀଡା ପ୍ରାଣକେନ୍ଦ୍ର କୁହାଯାଉଥିବା କଟକରେ ଆଉ ଏକ ମେଗା ଇଭେଣ୍ଟ ଆୟୋଜନ ପାଇଁ ଯୋଜନା ଚାଲିଛି । ଆଗାମୀ ଦିନରେ 17ବର୍ଷରୁ କମ୍ ମହିଳା ଫିଫା ବିଶ୍ବକପ ଆୟୋଜନ ପାଇଁ ଆଲୋଚନା ଚାଲିଥିବା ସୂଚନା ଦେଇଛନ୍ତି କ୍ରୀଡା ସଚିବ ବିଶାଲ ଦେବ । ଏଥି ସହିତ ରାଜ୍ୟରେ ଟେବୁଲ ଟେନିସର ବିକାଶ ପାଇଁ ସହରରେ ଏକ ଟିଟି ଏକାଡେମୀର ସ୍ଥାପନା କରାଯିବାର ମଧ୍ୟ ସେ ସଂକେତ ଦେଇଛନ୍ତି ।
ତେବେ ରାଜଧାନି ପରି କଟକରେ ମଧ୍ୟ ଅଧିକରୁ ଅଧିକ ମେଗା ଇଭେଣ୍ଟ ଆୟୋଜନ ପାଇଁ କଟକବାସୀଙ୍କ ଅପେକ୍ଷା ରହିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
