ହାଇଦ୍ରାବାଦ: ଟୋକିଓ ଅଲମ୍ପିକ୍ସରୁ ଓହରିଲା କାନାଡା । ମହାମାରୀ କୋରୋନା ଭାଇରସର ସଂକ୍ରମଣ ଭୟ ଯୋଗୁଁ କାନାଡା ଅଲମ୍ପିକ କମିଟି ଦେଶର ଆଥଲେଟଙ୍କୁ ନ ପଠାଇବାକୁ ନିଷ୍ପତ୍ତି ନେଇଛି ।
2020 ଅଲମ୍ପିକ୍ସ ଜାପାନର ଟୋକିଓରେ ଜୁଲାଇ 24ରୁ ଆରମ୍ଭ ନେଇ ସୂଚୀ ରହିଛି । ମାତ୍ର ବିଶ୍ୱବ୍ୟାପି କୋରୋନା ଭାଇରସର ସଂକ୍ରମଣତାକୁ ଦୃଷ୍ଟିରେ ରଖି କାନାଡା ଏହି ନିଷ୍ପତ୍ତି ନେଇଛି ।
ତେବେ କେବଳ କାନାଡା ନୁହେଁ ଏକାଧିକ ଦେଶର ଅଲମ୍ପିକ କମିଟି ଟୋକିଓ ଅଲମ୍ପିକ୍ସକୁ ସ୍ଥଗିତ କରିବାକୁ ଦାବି କରିଛନ୍ତି । ପୂର୍ବରୁ ୟୁଏସ ଟ୍ରାକ, ଫିଲ୍ଡ , ୟୁଏସ ସୁଇମିଂ, ୟୁକେ ଆଥଲେଟିକ୍ସ ସମେତ ଏକାଧିକ ନ୍ୟାସନାଲ ଅଲମ୍ପିକ କମିଟି ଏହି ଦାବି ଉଠାଇଛନ୍ତି ।
ତେବେ ଅନ୍ତର୍ଜାତୀୟ ଅଲମ୍ପିକ କମିଟି ପକ୍ଷରୁ ସ୍ପଷ୍ଟ ଭାବେ ସ୍ଥଗିତ ନେଇ କୌଣସି ସୂଚନା ମିଳିନାହିଁ । ବିଶ୍ୱରେ ଏଯାବତ ମହାମାରୀ କୋରୋନା ଭାଇରସରେ 14,500ରୁ ଅଧିକ ଲୋକ ପ୍ରାଣ ହରାଇ ସାରିଲେଣି । ବିଶ୍ବରେ 338,747 ଜଣ ଲୋକେ ଏହି ଭାଇରସରେ ସଂକ୍ରମିତ ଅଛନ୍ତି ।
